سولتۇستىك قازاقستاندا پوليتسەيلەر سوتتالدى

پەتروپاۆل. 2 ناۋرىز. سولتۇستىك قازاقستاندا ءارتۇرلى مەرزىمگە باس بوستاندىقتارىنان ايرىلعان بۇرىنعى ەكى پوليتسيا قىزمەتكەرى الداۋ-ارباۋ جولىمەن مول اقشا تاپپاق بولعان. بۇل تۋرالى وبلىستىق سوتتىڭ ءباسپاسوز قىزمەتى حابارلادى. اقجار اۋداندىق ىشكى ىستەر ءبولىمى باسشىسىنىڭ تەرگەۋ ىستەرى جونىندەگى ورىنباسارى دايىروۆ پەن ۋچاسكەلىك ينسپەكتور ۇسەنوۆ ەكەۋى ءبىلىمحان دەگەن ازاماتقا دەنە جاراقاتىن سالعان ەرشوۆتى قىلمىستىق ءىستى قىسقارتامىز دەگەن جەلەۋمەن الداپ-ارباۋعا كىرىسكەن. ولار وزدەرىنىڭ «بۇل قىزمەتىن» 300 مىڭ تەڭگەگە باعالاعان. قۇرعاق ۋادەگە يمانداي سەنگەن اناۋ بايعۇس 290 مىڭ تەڭگەنى جيناپ بەرگەن. ال, تەرگەۋ ماسەلەسىمەن باسقا تەرگەۋشى اينالىسقان. اقشانى الۋ كەزىندە ۋچاسكەلىك ينسپەكتور ۇستالىپ, قولىنا كىسەن سالىنعان. اۋداندىق سوتتىڭ ۇكىمىمەن دايىروۆ ءتورت جىلعا اباقتىعا كەسىلدى. ۇسەنوۆ ءۇش جىلعا باس ەركىنەن ايرىلىپ, دۇنيە-مۇلكى تاركىلەندى. ولارعا ەكى جىلعا دەيىن مەملەكەتتىك قىزمەتپەن اينالىسۋعا تىيىم سالىندى. ءومىر ەسقالي. دەرەك: سولتۇستىك قازاقستان وبلىستىق سوتىنىڭ ءباسپاسوز قىزمەتى. سۋرەت: egemen.kz.