سولتۇستىك قازاقستاندا ستۋدەنت وزىنە ءوزى قول سالدى

پەتروپاۆل. 2 ناۋرىز. سولتۇستىك قازاقستان وبلىسىندا 17 جاستاعى ستۋدەنت ومىرمەن بەيمەزگىل قوشتاستى. بۇل تۋرالى وبلىستىق ءبىلىم باسقارماسى باسشىسىنىڭ ورىنباسارى ۆلاديمير تكاچەنكو حابارلادى. وقيعا ەسىل اۋدانىنا قاراستى پەتروۆكا اگرارلىق-كوللەدجىندە ورىن العان. ارنايى قۇرىلعان كوميسسيا ءبىرىنشى كۋرستا وقيتىن بويجەتكەننىڭ ءولىمىنىڭ سەبەپتەرىن انىقتاپ, وتباسىداعى كيكىلجىڭ جانە سۇيىكتىسىنەن ايرىلۋ سالدارىنان وسىنداي قادامعا بارعان دەگەن تۇجىرىمعا كەلگەن. مۇنداي ارەكەت ونىڭ تاراپىنان بىرنەشە رەت قايتالانعان كورىنەدى. ساباق ۇلگەرىمىنىڭ تومەندەپ, جەكە ءتارتىبىنىڭ بوساڭسىعانىنا قاراماستان كوللەدج اكىمشىلىگى ناقتىلى شارالار قولدانباعان. تەك, تالقىلاۋمەن عانا شەكتەلگەن. الەۋمەتتىك پەداگوگ, پسيحولوگ ءوز مىندەتتەرىنە سالدىر-سالاق قاراعان. مارقۇم شەشىسىمەن جانە وگەي اكەسىمەن ءجيى جانجالداسىپ قالىپ جۇرگەن. ال سۇيىكتىسىنىڭ سىرت اينالۋى وعان اۋىر سوققى بولىپ ءتيىپ, ونىڭ اقىرى اسىلىپ قالۋعا سوقتىرعان. وقۋ ورنىندا الەۋمەتتىك-پسيحولوگيالىق قىزمەتتىڭ بەي-بەرەكەت ۇيىمداستىرىلۋى سونشالىق, تاعى ءبىر ستۋدەنت ءوزىن-ءوزى ولىمگە قيا جازداعان. وڭىردە جاسوسپىرىمدەردىڭ سۋيتسيدكە بارۋ فاكتىلەرى ازايماي تۇر. بىلتىر مۇنداي وقيعالار 16,7 پايىزعا كوبەيگەن. بيىل 2 ءجاسوسپىرىم اجال قۇشسا, 4 ءجاسوسپىرىم وزىنە ءوزى قول سالماق بولعان. ءومىر ەسقالي. دەرەك: سولتۇستىك قازاقستان وبلىستىق ءبىلىم باسقارماسىنىڭ ءباسپاسوز قىزمەتى. سۋرەت: news.nur.kz.