فوتو: aa.com.tr
يزرايل پرەمەر-ءمينيسترى بينيامين نەتانياحۋ مەن اقش پرەزيدەنتى دونالد ترامپ يران شابۋىلداردى توقتاتاتىنىن مالىمدەگەنگە دەيىن ءبىر كۇن ىشىندە ەكىنشى رەت تەلەفون ارقىلى سويلەستى. بۇل تۋرالى يزرايل بۇقارالىق اقپارات قۇرالدارى حابارلادى.
ءيزرايلدىڭ Kan 13 تەلەارناسىنىڭ مالىمەتىنشە, نەتانياحۋ مەن ترامپ سول كۇنى ەكى مارتە تەلەفون ارقىلى تىلدەسكەن.
باسىلىمنىڭ حابارلاۋىنشا, اڭگىمە يراننىڭ يزرايلگە قارسى شابۋىلدارىن توقتاتاتىنى تۋرالى مالىمدەمەسىنەن از ۋاقىت بۇرىن بولعان.
ەۋرووداق يزرايلگە قارسى سانكتسيا ەنگىزبەك
ال Yedioth Ahronoth گازەتى ترامپپەن بولعان اڭگىمەدەن كەيىن نەتانياحۋ كەشكى جانە تۇنگى ۋاقىتتا يرانعا قارسى جوسپارلانعان سوققىلاردان باس تارتۋى مۇمكىن ەكەنىن جازدى.
بۇعان دەيىن يزرايل اسكەرى اتىستى توقتاتۋ رەجيمىنە قاراماستان ليۆان استاناسى بەيرۋت قالاسىنىڭ داحيا اۋدانىندا اۋە شابۋىلىن جاساعان. يران بيلىگى بۇل ارەكەتتى ايىپتاپ, جاۋاپ قايتاراتىنىن مالىمدەدى.
تۇندە ءيزرايلدىڭ سولتۇستىگىندەگى بىرنەشە قالادا يران تاراپىنان زىمىراندار ۇشىرىلعاننان كەيىن دابىل سيرەنالارى قوسىلدى.
ترامپ يزرايل مەن «حەزبوللا» اتىستى توقتاتۋعا كەلىسكەنىن مالىمدەدى
يزرايل اسكەرى يراننىڭ باتىس جانە ورتالىق اۋداندارىنا سوققى جاساعانىن حابارلادى. ءوز كەزەگىندە تەگەران بۇل شابۋىلدارعا زىمىراندىق سوققىلارمەن جاۋاپ قايتاردى.
وعان دەيىن يران قارۋلى كۇشتەرىنىڭ اسكەري وپەراتسيالاردى ۇيلەستىرۋگە جاۋاپتى «حاتام ءال-انبيا» شتابى يزرايلگە قارسى اسكەري وپەراتسيالاردىڭ توقتاتىلعانىن جاريالاعان بولاتىن.
