قازىرگى ۋاقىتتا قۇتقارۋشىلار كۇن سايىن ەسىل وزەنىندە پاترۋلدەۋ جۇرگىزەدى, ال قاۋىپتى ۋچاسكەلەردە ءۇش ءموبيلدى قۇتقارۋ بەكەتىنىڭ جۇمىسى ۇيىمداستىرىلعان. تۇرعىندار مەن قالا قوناقتارىنىڭ قاۋىپسىز دەمالىسى ءۇشىن شومىلۋعا ارنالعان بەس رەسمي ورىن بەلگىلەنگەن.
جابدىقتالماعان جانە قاۋىپتى ۋچاسكەلەردە شومىلۋعا تىيىم سالىنعانى تۋرالى ەسكەرتۋ بەلگىلەرى ورناتىلعان.
«سۋداعى جازاتايىم وقيعالاردىڭ باسىم بولىگى شومىلۋعا ارنالماعان ورىنداردا بولادى. سوندىقتان تۇرعىندار مەن قالا قوناقتارىن تەك رەسمي جاعاجايلاردا دەمالۋعا, بالالاردى قاراۋسىز قالدىرماۋعا جانە ماس كۇيىندە سۋعا تۇسپەۋگە شاقىرامىز», دەدى استانا قالاسى تجد توتەنشە جاعدايلاردى جويۋ باسقارماسىنىڭ باستىعى باۋىرجان احمەتالين.
سۋ ايدىندارىنداعى قاۋىپسىزدىك قاعيدالارىن بۇزعانى ءۇشىن اكىمشىلىك جاۋاپكەرشىلىك قاراستىرىلعان.
استانادا شومىلۋ ماۋسىمى باستالدى: قۇتقارۋشىلار قاۋىپسىزدىك ەرەجەلەرىن ساقتاۋعا شاقىردى
استانا قالاسىنىڭ توتەنشە جاعدايلار دەپارتامەنتى ازاماتتاردى قاۋىپسىزدىك شارالارىن ساقتاۋعا جانە ءوز ءومىرى مەن جاقىندارىنىڭ قاۋىپسىزدىگىنە جاۋاپكەرشىلىكپەن قاراۋعا شاقىرادى.
