فوتو: Report
سونداي-اق تابيعي اپاتتان 200-دەن استام ادام جاراقات العان, ولاردىڭ كوپشىلىگى زاقىمدانعان عيماراتتاردىڭ ىشىندە زارداپ شەككەن. سونىمەن قاتار جاعالاۋدا بيىكتىگى 1 مەترگە جەتكەن تسۋنامي تىركەلگەن.
دجەنەرال-سانتوس قالاسىندا بىرنەشە عيمارات قۇلاپ, نەگىزگى ينفراقۇرىلىم جەر سىلكىنىسىنەن زاقىمدانعان. سونداي-اق كەم دەگەندە ءبىر جاعالاۋداعى اۋىلدا تسۋنامي سالدارىنان عيماراتتار قيرادى.
ايتا كەتەيىك, جەراستى دۇمپۋلەرىنىڭ ەپيتسەنترى حالقى شامامەن 697 مىڭ ادام تۇراتىن گەنەرال-سانتوس قالاسىنان سولتۇستىككە قاراي 51 شاقىرىم جەردە ورنالاسقان. جەر سىلكىنىسىنىڭ وشاعى 10 شاقىرىم تەرەڭدىكتە بولعان.
ءفيليپپيننىڭ ازاماتتىق اۆياتسيا باسقارماسى (CAAP) جەر سىلكىنىسى مەن تسۋنامي قاۋپىنە بايلانىستى گەنەرال-سانتوس قالاسىنداعى اۋەجايدىڭ ۋاقىتشا جابىلعانىن حابارلادى.
فيليپپين پرەزيدەنتى فەرديناند ماركوس كىشى مينداناو ارالىنداعى كەيبىر ايماقتاردا وقۋ ورىندارىنداعى ساباقتى ۋاقىتشا توقتاتۋعا بۇيرىق بەردى. جەر سىلكىنىسى وسى ارالدىڭ وڭتۇستىك جاعالاۋىندا بولعان. ەلدىڭ پرەزيدەنتى ۇكىمەتتىك مەكەمەلەرگە اپات سالدارىن جويۋ بويىنشا جۇمىستى ۇيلەستىرۋدى, گۋمانيتارلىق كومەك كورسەتۋدى جانە ەۆاكۋاتسيالىق ورتالىقتاردىڭ جۇمىسىن قامتاماسىز ەتۋدى تاپسىردى.
سونىمەن قاتار جەر سىلكىنىسىنەن كەيىن جاپونيانىڭ بىرقاتار جاعالاۋ ايماقتارىندا تسۋنامي قاۋپى جاريالانىپ, بيىكتىگى 1 مەترگە دەيىن جەتۋى مۇمكىن تولقىندارعا بايلانىستى ونداعان مىڭ تۇرعىنعا ەۆاكۋاتسيالانۋ ۇسىنىلعان.
