تەرگەۋ مالىمەتىنشە, كۇدىكتى رەتىندە سول اۋداننىڭ تۇرعىنى انىقتالىپ, سوت سانكتسياسىمەن قاماۋعا الىنعان.
وبلىستىق پوليتسيا دەپارتامەنتى تەرگەۋ باسقارماسى باستىعىنىڭ مىندەتىن اتقارۋشى اسىلبەك بەكسەيىتوۆتىڭ ايتۋىنشا, قازىر وقيعانىڭ بارلىق ءمان-جايىن انىقتاۋعا باعىتتالعان جەدەل-تەرگەۋ شارالارى جۇرگىزىلىپ جاتىر.
«كۇدىكتى ۇستالىپ, سوتتىڭ سانكتسياسىمەن قاماۋعا الىندى. قازىر قىلمىستىق ءىس بويىنشا قاجەتتى تەرگەۋ ارەكەتتەرى جالعاسىپ جاتىر. تەرگەۋ مۇددەسىنە بايلانىستى سوتقا دەيىنگى تەرگەپ-تەكسەرۋ ماتەريالدارى جاريالانبايدى», دەدى ول.
قۇقىق قورعاۋ ورگاندارى ءىستىڭ بارلىق جاعدايىن جان-جاقتى زەردەلەپ جاتقانىن مالىمدەدى.
بۇعان دەيىن قىزىلوردا وبلىسىندا جوعالىپ كەتكەن 6 جاستاعى قىزدىڭ ءمايىتى تابىلعانىن جازعان ەدىك.
