فوتو: istockphoto.com
اتالعان دودا العاش رەت ءۇش ەلدە – اقش, كانادا جانە مەكسيكادا وتەدى. تۋرنير سولتۇستىك امەريكانىڭ 16 قالاسىندا ۇيىمداستىرىلادى.
ماتچتاردىڭ باسىم بولىگى اقش اۋماعىندا وتەدى. سونىمەن قاتار كانادا مەن مەكسيكا دا الەم چەمپيوناتىنىڭ ماڭىزدى ويىندارىن قابىلدايدى.
ءتۋرنيردىڭ العاشقى ماتچى مەكسيكاداعى ايگىلى «اتستەكا» ستاديونىندا وتەدى. اشىلۋ ويىنىندا مەكسيكا قۇراماسى وڭتۇستىك افريكا رەسپۋبليكاسىنىڭ كومانداسىمەن كەزدەسەدى. ال فينالدىق ويىن اقش-تىڭ نيۋ-يورك قالاسى ماڭىنداعى MetLife ستاديونىندا وتەدى.
الەم چەمپيوناتى: ساۋد ارابياسى جانكۇيەرلەرىنە تەگىن بيلەتتەر تاراتا باستادى
2026 جىلعى ءمۋنديالدىڭ باستى ەرەكشەلىگى – قاتىسۋشى كوماندالار سانىنىڭ 48-گە دەيىن ۇلعايۋى بولىپ وتىر. سونىڭ ناتيجەسىندە تۋرنير بارىسىندا رەكوردتىق 104 ماتچ وتەدى.ء ار ەلدىڭ قالالارى ارنايى ىرىكتەلىپ, زاماناۋي ينفراقۇرىلىممەن قامتاماسىز ەتىلگەن ستاديونداردا ويىندار وتكىزەدى.
ۇيىمداستىرۋشىلاردىڭ ايتۋىنشا, ءتۋرنيردىڭ كەڭ گەوگرافياسى جانكۇيەرلەرگە ءارتۇرلى قالالاردا وتەتىن ويىنداردى تاماشالاۋعا مۇمكىندىك بەرەدى. بۇل FIFA تاريحىنداعى ەڭ ءىرى ءارى ەڭ كوپ قالانى قامتيتىن الەم چەمپيوناتى بولعالى تۇر.
ەسكە سالا كەتەيىك, بۇعان دەيىن فيفا ويىنداردىڭ تولىق كەستەسىن جاريالاعان بولاتىن. كەستەگە سايكەس, العاشقى توپتىق ويىندار مەكسيكا – وار مەن چەحيا – وڭتۇستىك كورەيا اراسىندا وتەدى.
