فوتو: istockphoto.com
ءبۇلدىرشىننىڭ دەنەسى «ايتەك» سۋ تورابىنىڭ تومەنگى اعىسىنان شامامەن 30 شاقىرىم قاشىقتىقتا تابىلعان. الدىن الا مالىمەت بويىنشا, زورلىق-زومبىلىق بەلگىلەرى انىقتالماعان.
وبلىستىق پوليتسيا دەپارتامەنتىنىڭ مالىمەتىنشە, قىز بالا 5 ماۋسىم كۇنى ساعات 18:30 شاماسىندا سىرداريا وزەنىنىڭ جاعاسىنا جاقىن جەردە ورنالاسقان ۇيىنەن شىعىپ كەتىپ, قايتا ورالماعان.
ىزدەۋ جۇمىستارىنا پوليتسيا قىزمەتكەرلەرى, قۇتقارۋشىلار مەن ەرىكتىلەر, ارنايى تەحنيكالار جۇمىلدىرىلعان بولاتىن. قازىر قۇزىرلى ورگاندار وقيعاعا بايلانىستى تەرگەۋ جۇرگىزىپ جاتىر.
وكىنىشكە قاراي جاز كەلىسىمەن شومىلۋ ايماقتارىندا بالا ءولىمى جيىلەپ بارادى. ءبىر اي ىشىندە تۇركىستان, اقمولا, قاراعاندى مەن قوستاناي وبلىستارىندا بۇلدىرشىندەر سۋعا كەتكەن وقيعالار بولدى. وسىعان سايكەس, تجم قىزمەتكەرلەرى شومىلۋ اۋماقتارىندا قاۋىپسىزدىك شارالارىن قاتاڭ ساقتاۋعا شاقىرادى.
