ميحايل گورباچەۆ الكوگولگە قارسى كۇرەستى باستى قاتەلىگى سانادى

الماتى. 15 مامىر. كەڭەس وداعىنىڭ ءبىرىنشى جانە سوڭعى پرەزيدەنتى ميحايل گورباچەۆ 1980 جىلدارى ءوزى ەل باسقارىپ تۇرعانداعى تاعى ءبىر قاتەلىگىن مويىندادى. ول – الكوگولگە قارسى كۇرەس ەكەن. بۇل تۋرالى kp.ru حابارلادى. ميحايل گورباچەۆ جەرگىلىكتى باسىلىمعا بەرگەن ءبىر سۇقباتىندا: «كەڭەس وداعى كەزىندەگى مەن جۇرگىزگەن ساياساتتىڭ ءبىر ۇشقىنى, ياعني ناۋقاننىڭ سول كەزدەگى ءادىسى دۇرىس بولمادى. ماسكەۋ دۇكەندەرى الدىندا ادامدار ۇشى-قيىرى جوق كەزەككە تۇردى, جاسىرىن تۇردە ساموگون جاساۋ كوبەيدى. سودان دا بولار دۇكەندەردە قانت تاۋسىلدى» – دەدى. سونداي-اق, ەكس-باسشى سول تۇستا قوعامدى ءبارىبىر ساۋىقتىرۋ كەرەك بولاتىن جەتكىزدى. الايدا, ميحايل گورباچەۆ حالىققا باياۋلاتىپ, الكوگولگە قارسى كۇرەس ناۋقانىن ۇزاق مەرزىمدىك جوسپارمەن جۇرگىزۋ الدەقايدا ءتيىمدى بولاتىنىن ەندى ءتۇسىنىپ وتىر. ايتا كەتەيىك, گورباچەۆ باستاعان ناۋقاننىڭ كسرو بيۋدجەتىنە نۇقسان كەلتىرگەنى تاريحتان بەلگىلى. ەكونوميكالىق داعدارىستان شوشىنعان كەڭەستىك باسشىلار سودان دا بولار, ماسكۇنەمدىككە قارسى كۇرەستىڭ زالالىن بايقاماعان سىڭايمەن باستاعان ءىستى اياقسىز قالدىردى. تالعات ءسۇيىنباي. دەرەك, سۋرەت: kp.ru.