ورالدا قىركۇيەكتەن بەرى 560 ميلليون تەڭگەنىڭ مۇلكى جاريالاندى

ورال. 14 مامىر. باتىس قازاقستان وبلىسىنىڭ – ورتالىعى ورال قالاسىندا وتكەن جىلدىڭ 1 قىركۇيەگىنەن بەرى 560 ميلليون تەڭگەنىڭ مۇلكى جاريالاندى. بۇل تۋرالى ورال قالاسى اۋماعىندا م ۇلىكتى جاريا ەتۋ جونىندەگى ارنايى كوميسسيانىڭ مالىمەتىنە سۇيەنىپ, egemen.kz ءتىلشىسى حابارلادى. مەملەكەت باسشىسى 2014 جىلدىڭ ماۋسىمىندا «قازاقستان رەسپۋبليكاسىنىڭ ازاماتتارىنا, ورالماندارعا جانە قازاقستان رەسپۋبليكاسىندا تۇرۋعا ىحتيار حاتى بار تۇلعالارعا ولاردىڭ م ۇلىكتى جاريا ەتۋىنە بايلانىستى راحىمشىلىق جاساۋ تۋرالى» زاڭعا قول قويعانى بەلگىلى. وسى زاڭدى جۇزەگە اسىرۋ جانە ورىنداۋعا بايلانىستى وتكەن جىلدىڭ 1 قىركۇيەگىنەن باستاپ ەلىمىزدە جاريا ەتۋ ءىسى باستالدى. بۇل ناۋقان 2015 جىلدىڭ 31 جەلتوقسانىنا دەيىن جالعاسادى. وسىعان وراي ورال قالاسى اۋماعىندا دا م ۇلىكتى جاريا ەتۋ جونىندە ارنايى كوميسسيا قۇرىلدى. ولاردىڭ تاراتقان مالىمەتىنە سۇيەنسەك, قازىرگى كۇنگە دەيىن كوميسسيا قىزمەتىنە 1 171 ادام جۇگىنگەن. سونىڭ ىشىندە ورال قالاسى بويىنشا كۇنى بۇگىنگە دەيىن 560 ميلليون تەڭگەنىڭ مۇلكى جاريالانعان. م ۇلىكتى جاريا ەتۋ بويىنشا تۇسكەن وتىنىشتەردى ارنايى كوميسسيا 1 اي مەرزىم ىشىندە قاراپ, شەشىم شىعارادى. تەمىر قۇسايىن. دەرەك: egemen.kz. سۋرەت: gazeta.kz.