بيىلعى ماۋسىمدا «قايرات» چەمپيوندار ليگاسىنىڭ توپتىق تۋرنيرىندە تابىستى ونەر كورسەتىپ, سول جارىستىڭ جالپى كەزەڭىنە قاتىسۋ قۇرمەتىنە يە بولدى. بۇل – تاريحي وقيعا. وكىنىشكە قاراي, الماتىلىقتار قارت قۇرلىقتىڭ كوكجالدارىمەن تەڭ دارەجەدە ايقاسا المادى. ولار سەگىز ويىنىنىڭ جەتەۋىندە ۇتىلىپ, ءبىر رەت تەڭ ءتۇستى. ناتيجەسىندە, جارىس كەستەسىندەگى ەڭ سوڭعى, 37-ورىندا قالىپ قويدى. دەگەنمەن, وسى مەجەگە جەتكەنى ءۇشىن «قايرات» قارجىلىق تۇرعىدان ءبىراز پايداعا كەنەلدى. قايرات بورانباەۆتىڭ كومانداسىنىڭ ەسەپشوتىنا 21,2 ملن ەۋرو اۋدارىلدى.
ەۋروليگادا ولجاعا مولىنان كەنەلگەندەر اراسىندا انگليا الدا. جالپى كەزەڭدە ولاردىڭ توعىز كلۋبى ونەر كورسەتتى. سونىڭ ارقاسىندا اعىلشىندار 676,0 ملن ەۋرو ەنشىلەدى. سونداي-اق توپ–5-تىكتىڭ قاتارىندا مىناداي ەلدەر بار: يسپانيا (8 كلۋب) – 446,2 ملن, گەرمانيا (7 كلۋب) – 386,8 ملن, يتاليا
(7 كلۋب) – 315,7 ملن, فرانتسيا (7 كلۋب) – 310,7 ملن.
وسى ورايدا ەلىمىز فۋتبولدا جەڭىسپەن ورىلگەن باي ءداستۇرى بار ۋكراينا (21,1 ملن, 2 كلۋب), ماجارستان (19,4 ملن, 1 كلۋب), سەربيا (19,0 ملن, 1 كلۋب), رۋمىنيا (14,0 ملن, 2 كلۋب), شۆەتسيا (11,9 ملن, 2 كلۋب) سىندى ىرگەلى مەملەكەتتەردەن ءبىرشاما كوپ تابىس تاپقانىن ايتا كەتكەن ءجون.
