فوتو: Gov.kz
«سيريۋس» قازاقستان جوباسى دارىندى بالالارمەن جۇمىس ىستەۋ جۇيەسىن دامىتۋعا جانە ولاردىڭ وقۋى مەن دامۋىنا ارنالعان زاماناۋي ءبىلىم بەرۋ ورتاسىن قالىپتاستىرۋعا باعىتتالعان. جوبانىڭ نەگىزگى مىندەتى – بۇل دارىندى بالالاردى ەرتە انىقتاپ, ولاردى عىلىم, تەحنولوگيا جانە جوبالىق قىزمەت بويىنشا تەرەڭدەتىلگەن باعدارلامالار ارقىلى جۇيەلى دامىتۋ. بۇل قازاقستانداعى تالانتتى وقۋشىلاردىڭ تۇراقتى ەكوجۇيەسىن قالىپتاستىرادى», دەدى قانىبەك جۇماشەۆ.
كوميتەت توراعاسى ءوز سوزىندە بۇل جوبا مەملەكەت باسشىسىنىڭ تاپسىرماسىن ورىنداۋ اياسىندا جۇزەگە اسىرىلعانىن اتاپ ءوتتى. سونداي-اق جوبا ءبىلىم ساپاسىن ارتتىرۋعا, قازاقستان وقۋشىلارىنىڭ حالىقارالىق دەڭگەيدەگى باسەكەگە قابىلەتتىلىگىن كۇشەيتۋگە باعىتتالعانىن جەتكىزدى.
«بۇل جوبا اياسىندا مەكتەپ سالىنادى. سونىمەن قاتار مەكتەپ جانىندا جىل بويى جۇمىس ىستەيتىن دارىندى بالالارعا ارنالعان ورتالىق بولادى. وقۋ پروتسەسى قازاقستاننىڭ مەملەكەتتىك ستاندارتتارىمەن وقىتۋدىڭ زاماناۋي تاسىلدەرىن ۇيلەستىرۋ نەگىزىندە قۇرىلادى», دەدى ول.
نەگىزگى باسىمدىق ماتەماتيكا, جاراتىلىستانۋ, ينجەنەريا, جاساندى ينتەللەكت جانە روبوتوتەحنيكا جانە جوبالىق زەرتتەۋ قىزمەتتەرىنە بەرىلەدى.
«وقۋ-تاربيە پروتسەسى ۇلتتىق مازمۇندا ەنگىزىلەدى. ماسەلەن, «دومبىرا», «ۇلتتىق ونەر», «ۇلتتىق سپورت» كۋرستارى, سونداي-اق «ادال ازامات», ء«بىرتۇتاس تاربيە» باعدارلاماسى دا ەنگىزىلەدى. بۇل زاماناۋي ءبىلىم مەن ۇلتتىق قۇندىلىقتاردىڭ مادەني بىرەگەيلىگىن ۇشتاستىرۋعا مۇمكىندىك بەرەدى», دەدى كوميتەت توراعاسى.
قانىبەك جۇماشەۆتىڭ ايتۋىنشا, جوباعا 80 پايىز قازاقستاندىق ماماندار تارتىلادى. سونداي-اق رەسەيدىڭ «سيريۋس» فەدەرالدىق اۋماعىنىڭ بىلىكتىلىك ارتتىرۋ باعدارلامالارىن قولدانىپ, پەداگوگتەردىڭ حالىقارالىق دەڭگەيدەگى وزىق تاجىريبەلەرىن ۇيلەستىرۋگە دە مۇمكىندىك بەرەدى.
«سيريۋس» جوباسى ەلىمىزدەگى وقۋشىلاردىڭ وليمپيادالارعا, عىلىمي جوبالىق كونكۋرستارىنا, زەرتتەۋ قىزمەتىمەن اينالىسۋعا دا كەڭ مۇمكىندىكتەر اشادى دەپ وتىرمىز. سونىمەن قاتار بۇل قازاقستاننىڭ بارلىق وڭىرىندەگى ماتەماتيكا, ينجەنەريا, فيزيكا باعىتىنداعى دارىندى بالالاردى وقىتۋعا جاعداي جاسالادى. «سيريۋس − قازاقستان» جوباسى استانا جانە الماتى قالالارىندا جۇزەگە اسىرىلادى. سونداي-اق دارىندى بالالارمەن جۇمىس ىستەيتىن جۇيەنى, ينفراقۇرىلىمدى دامىتۋعا مۇمكىندىك بەرەدى دەپ ويلايمىز», دەدى قانىبەك جۇماشەۆ.
«سيريۋس» مەكتەپتەرىندە «ادال ازامات» تاربيە باعدارلاماسى وقىتىلادى
