فيليپپيندە اياق كيىم فابريكاسى وتقا ورانىپ, 70 ادام قازا تاپتى

استانا. 14 مامىر. فيليپپين استاناسى – مانيلادا اياق كيىم فابريكاسى وتقا ورانىپ, سالدارىنان 70-تەن استام ادام قازا تاپتى. ءالى بىرنەشە قىزمەتكەردىڭ جاعدايى بەلگىسىز. كۇيىك شالعان جانە ءارتۇرلى جاراقات العان 30-دان استام ادام جەرگىلىكتى اۋرۋحانالارعا جەتكىزىلدى. بۇل تۋرالى euronews.com حابارلادى. ازىرگە ءورتتىڭ شىعۋ سەبەپتەرى انىقتالعان جوق. الدىن الا بولجام بويىنشا, اپاتقا عيماراتتىڭ باس كىرەبەرىسىندەگى دانەكەرلەۋ جۇمىستارى سەبەپ بولۋى مۇمكىن. ءورت سوندىرۋشىلەر ءتىلسىز جاۋمەن 7 ساعات بويى ارپالىستى. فابريكا قىزمەتكەرىنىڭ ايتۋىنشا, الدىمەن جارىلىس بولعان. «ءبىرىنشى جارىلىستىڭ قاتتى داۋىسىن ەستىدىك. كەيىن عيماراتتان ءورت شىققانىن بىلدىك. بىردەن اپات كەزىندە پايدالاناتىن ەسىككە ۇمتىلدىق. وكىنىشكە قاراي, جوعارى قاباتتارداعى ارىپتەستەرىمىز قىزىل جالىننىڭ قۇرساۋىندا قالدى», – دەيدى اپاتتان امان قالعان ايەل. ءورت سالدارىنان عيمارات تولىعىمەن جانىپ كەتتى. قۇربان بولعانداردىڭ كىم ەكەنىن انىقتاۋ قيىنعا سوعۋدا. كەيبىرىنىڭ جانىنان ساعات, ساقينا, ۇيالى تەلەفون سىندى جەكە زاتتارى تابىلعان. ماماندار سول ارقىلى وپات بولعانداردى انىقتاپ كورمەك. ەلامان قوڭىر. دەرەك, سۋرەت: euronews.com.