فوتو: قازاقستان تەمىر جولى
باس پروكۋراتۋرانىڭ مالىمەتىنشە, زاڭ بۇزۋشىلىقتاردىڭ ءبىرى پاۆلودار وبلىسىندا تىركەلگەن. «قتج – جۇك تاسىمالى» جشس-ءنىڭ «پاۆلودار جۇك تاسىمالى بولىمشەسى» فيليالى مەن «سۆح ەكىباستۇز» جشس «ەرتىس اگرو» الەۋمەتتىك-كاسىپكەرلىك كورپوراتسياسىنا تيەسىلى جۇك ۆاگوندارىن زاڭسىز ۇستاپ وتىرعان. سالدارىنان ينۆەستور كومپانيانىڭ جۇمىسى ءىس جۇزىندە توقتاپ قالعان. پاۆلودار كولىك پروكۋراتۋراسىنىڭ ارالاسۋىنان كەيىن قويىلعان شەكتەۋلەر الىنىپ, كىنالى تۇلعالار اكىمشىلىك قۇقىق بۇزۋشىلىق تۋرالى كودەكستىڭ 173-بابى بويىنشا جاۋاپكەرشىلىككە تارتىلعان.
تەمىرجولشىلارعا باسپانا: «قتج» مەن «وتباسى بانك» جاڭا جوبانى ىسكە قوستى
تاعى ءبىر زاڭبۇزۋشىلىق «مايقاپشاعاي» كەدەن بەكەتىندە انىقتالدى. وندا «Format Mach Company» جشس ءوز ءونىمىن 20 كۇننەن استام ۋاقىت بويى ەل اۋماعىنان شىعارا الماعان.
شىعىس قازاقستان كولىك پروكۋراتۋراسىنىڭ مالىمەتىنشە, تەكسەرىستەن كەيىن شەكتەۋلەر جويىلىپ, جاۋاپتى لاۋازىمدى تۇلعا اكىمشىلىك جاۋاپكەرشىلىككە تارتىلعان.
ەسكە سالايىق, بۇعان دەيىن قاراعاندىدا تەمىرجولشىنى پويىز قاعىپ كەتكەنى تۋرالى جازعانبىز.
