فوتو: jasqazaq.kz
ۆەدومستۆونىڭ مالىمەتىنشە, ءموراتوريدىڭ اياقتالعاننان كەيىن تاريفتەر كۇرت ەمەس, بىرتىندەپ جانە «حالىققا بارىنشا جەڭىل جۇكتەمەمەن» كوتەرىلىپ جاتىر. باعا وزگەرىسى ءار وڭىردەگى ينفراقۇرىلىم جاعدايى مەن ينۆەستيتسيالىق باعدارلامالاردىڭ قاجەتتىلىگىنە قاراي بەكىتىلەدى.
1 ساۋىردەن باستاپ بىرقاتار وڭىرلەردە تاريفتەر كەلەسىدەي ءوستى: استانادا:
- جىلۋ – 15%
- سۋ جانە كارىز جۇيەسى – 29%
ۇلىتاۋ وبلىسىندا:
- جىلۋ – 29%
- سۋ جانە كارىز جۇيەسى – 35%-عا دەيىن.
بۇعان دەيىن قاراعاندىدا كوممۋنالدىق قىزمەت باعاسى 2027 جىلعا دەيىن تومەندەتىلگەنى تۋرالى جازعانبىز.
اقمولا وبلىسىندا:
- جىلۋ – 15%
- سۋ جانە كارىز جۇيەسى – 20%
ال الماتىدا جىلۋ ءتاريفى 5% ارتتى.
ماماندار مۇنداي ءوسىمدى ينفراقۇرىلىمنىڭ توزۋ دەڭگەيىمەن, جەلىلەردى جاڭعىرتۋ قاجەتتىلىگىمەن, قىزمەتكەرلەر جالاقىسىنىڭ كوتەرىلۋىمەن جانە كومىر, گاز, مازۋت پەن ەلەكتر ەنەرگياسى سياقتى وتىن تۇرلەرىنىڭ قىمباتتاۋىمەن تۇسىندىرەدى.
ەنەرگەتيكالىق جانە كوممۋنالدىق ينفراقۇرىلىمدى جاڭعىرتۋعا قانشا قارجى جۇمسالادى؟
تابيعي مونوپوليالار سۋبەكتىلەرىنىڭ وتىنىمدەرىنە قاراي تاريفتەر الداعى ۋاقىتتا دا وزگەرۋى مۇمكىن. دەگەنمەن ولاردىڭ ءوسۋى تەك ينفلياتسيالىق ءدالىز شەڭبەرىندە عانا جۇزەگە اسادى.
الەۋمەتتىك وسال توپتار ءۇشىن تۇرعىن ءۇي كومەگى مەحانيزمى ساقتالادى. ەگەر وتباسىنىڭ كوممۋنالدىق شىعىنى تابىستىڭ 5-10%-ىنان اسىپ كەتسە, ايىرماسى مەملەكەت تاراپىنان وتەلەدى.
بۇعان دەيىن ۇلتتىق ەكونوميكا ۆيتسە-پرەمەرى سەرىك جۇمانعارين كوممۋنالدىق جانە ينفراقۇرىلىمدىق قىزمەت تاريفتەرىن كەزەڭ-كەزەڭىمەن كوتەرۋ جوسپارلانىپ وتىرعانىن ايتقان ەدى. ونىڭ مالىمەتىنشە, 1 ساۋىردە اياقتالعان ءۇش ايلىق موراتوري تاريفتەردى وڭىرلەر بويىنشا قايتا ەسەپتەپ, تەڭگەرىمدى تۇردە وسىرۋگە مۇمكىندىك بەرگەن. ۇكىمەت ەسەپتەۋىنشە, بۇل شارالاردىڭ ينفلياتسياعا اسەرى 0,3%-دان اسپايدى.
