الماتى. 28 ماۋسىم. سينبەي (تايۆان) قالاسىنداعى ويىن-ساۋىق ورتالىعىندا بولعان جارىلىستان 474 ادام زارداپ شەگىپ, 140 ادام وتقا كۇيىپ قالعان. بۇل تۋرالى China Daily حابارلادى.
كەشكى ساعات 20:30 شاماسىندا, ويىن-ساۋىقتىڭ ەڭ قىزا باستاعان كەزىندە, كەڭ ساحناعا مىڭعا جۋىق ادام شىعىپ, بيلەپ جاتقان. ءدال وسى تۇستا كوڭىلدى حالىقتىڭ ۇستىنەن بەلگىسىز تۇستان ۇنتاق شاشىلىپ, ول ىلە-شالا وتقا اينالعان. ۇرەي قۇشاعىنداعى جۇرت جانتالاسىپ, جان-جاققا شاشىراي قاشقانمەن دەنەلەرىنىڭ اشىق جەرلەرى كۇيىپ, اۋىر جاراقات الدى.
تەز ارادا جەتكەن «جەدەل جاردەم» زارداپ شەككەندەردى قالانىڭ 19 اۋرۋحاناسىنا ورنالاستىردى.
زارداپ شەگۋشىلەردىڭ كوبىنىڭ بەتى مەن قول-اياعىن كۇيىك شالعان. پوليتسيا بەلگىسىز ۇنتاق شاشىلعان جارىلىستىڭ سەبەپ-سالدارىن انىقتاۋعا كىرىستى.
تالعات ءسۇيىنباي.
دەرەك: China Daily.
سۋرەت: CCTV News.
