فوتو: اشىق دەرەككوز
دەپۋتات جاڭا زاڭ جوباسى كوپشىلىكتىڭ جىلدار بويى كەزىگىپ كەلگەن ناقتى ماسەلەلەرىنە بەرىلگەن جاۋاپ دەپ ەسەپتەيدى. سونداي-اق ول قۇجاتتاعى ءار باعىتتى سانامالاپ بەردى.
«سكرينينگ – جۇمىس بەرۋشىنىڭ ەسەبىنەن. كوبى جالاقىدان قاعىلماۋ ءۇشىن ارنايى سكرينينگكە بارۋعا قورقادى. جۇمىس بەرۋشى ءسىزدى ورتاشا جالاقىڭىزدى ساقتاي وتىرىپ, 3 كۇنگە دەيىن سكرينينگكە جىبەرۋگە مىندەتتى. ەندى eGov نەمەسە SMS ارقىلى «تەكسەرىلەتىن ۋاقىت كەلدى» دەپ حابارلاما كەلەدى. ال كادر قىزمەتى قىزمەتكەردى سكرينينگكە جىبەرۋى ءتيىس. «بىلمەدىم» نەمەسە «جىبەرمەدى» دەگەن سىلتاۋ ەندى جۇرمەيدى. بولماسا – جاۋاپكەرشىلىك. ءبىز ماسەلە كوتەرسەك, ونى زاڭداعى ناقتى نورمالار ارقىلى شەشەمىز», دەدى اسحات ايماعامبەتوۆ.
جاڭا زاڭ جوباسى: اۋىل بيۋدجەتتەرىن ۇلعايتۋعا جاڭا سالىقتىق تەتىكتەر ۇسىنىلدى
حالىق قالاۋلىسى سونداي-اق جۇرگىزۋشىلەر مەن زاۋىت جۇمىسشىلارىنىڭ اۋىسىم الدىنداعى تەكسەرىس ۋاقىتىنا اقى تولەنۋ ماسەلەسىن كوتەرگەن.
«ەگەر اۋىسىم الدىنداعى تەكسەرۋ مىندەتتى بولسا – دەمەك, ول جۇمىس ۋاقىتى. ول ەسەپكە الىنىپ, تولەنۋى ءتيىس. بۇل نورما كاسىپورىنداردى پروتسەستى اۆتوماتتاندىرۋعا ستيمۋل بولادى, ايتپەسە كەزەكتە تۇرعان ءار ساعات ءۇشىن اقى تولەۋگە تۋرا كەلەدى», دەيدى دەپۋتات.
دەپۋتاتتىڭ ايتۋىنشا, جۇمىس بەرۋشى جۇمىسقا قابىلداۋدان باس تارتسا, وندا جازباشا جاۋاپتى تالاپ ەتۋگە مۇمكىندىك بار. بۇل قاعازبەن ەڭبەك ينسپەكتسياسىنا نەمەسە سوتقا سەنىمدى تۇردە بارۋعا بولادى.
سونىمەن قاتار قۇجاتتا ادامنىڭ ار-نامىسى مەن ابىرويىن زاڭمەن قورعاۋ بەكىتىلگەن.
ء«بىز العاش رەت ەڭبەك كودەكسىندە قىزمەتكەردىڭ ار-نامىسىن, قادىر-قاسيەتىن قۇرمەتتەۋ جانە جەكە ومىرىنە قول سۇعىلماۋ قۇقىعىن بەكىتتىك. باسشىلىق تاراپىنان دورەكىلىك, بۋللينگ نەمەسە جەكە ىستەرگە ارالاسۋ – ەندى زاڭدى تىكەلەي بۇزۋ بولىپ سانالادى», دەپ جازدى دەپۋتات.
زاڭ جوباسىندا مۇنان وزگە قىزمەتكەردى جۇمىستان بوساتاردا ونىڭ قاتەلىگىن سارالاۋ, جۇمىستان كەتۋ شەشىمىن قابىلداعان ازاماتتى ءارتۇرلى سىلتاۋمەن ۇستاپ وتىرۋ زاڭعا قايشى ەكەنى ناقتىلانعان. سونىمەن قاتار اۋىرىپ جۇرگەندە ەڭبەك شارتىنىڭ مەرزىمى اياقتالعانىمەن, ونى اۋرۋحانا پاراعى اياقتالعانشا ۇزارتۋ, جالاقى, گرافيك, جۇمىس ورنى سەكىلدى كەز كەلگەن وزگەرىس تەك جازباشا نەمەسە ەتسپ ارقىلى جانە 15 جۇمىس كۇنىنەن كەشىكتىرىلمەي حابارلانۋى ءتيىس ەكەنى جازىلعان. وعان قوسا دەنساۋلىق جاعدايىنا بايلانىستى شىعىنسىز اۋىسۋ ماسەلەسى دە قارالعان.
