سۋرەت: aqmeshit-aptalygy.kz
جارلىقتىڭ نەگىزگى ماقساتى – جاساندى ينتەللەكت جەدەل دامىپ كەلە جاتقان كەزەڭدە ەلىمىزدىڭ وركەندەۋىن قامتاماسىز ەتىپ, ادام كاپيتالىن ىلگەرىلەتۋگە ۇلەس قوساتىن يننوۆاتسيالىق ءبىلىم جۇيەسىن قالىپتاستىرۋعا جاعداي جاساۋ. سونداي-اق قالا مەن اۋىل مەكتەپتەرى اراسىنداعى الشاقتىقتى ازايتىپ, وقۋشىلاردىڭ تۇرعىلىقتى جەرىنە قاراماستان ساپالى ءارى زاماناۋي بىلىمگە تەڭ قولجەتىمدىلىگىن قامتاماسىز ەتۋ.
جاساندى ينتەللەكت وقۋ ۇدەرىسىنە ناقتى ەنگىزىلەتىن ءتيىمدى قۇرال رەتىندە شالعاي وڭىرلەردەگى وقۋشىلارعا ءىرى قالالارمەن بىردەي ءبىلىم الۋ مۇمكىندىگىن كەڭەيتۋگە مۇمكىندىك بەرەدى. سونىمەن قاتار مەملەكەتتىك ساياساتتىڭ ماڭىزدى باسىمدىقتارىنىڭ ءبىرى شاعىن جيناقتى اۋىل مەكتەپتەرىن قولداۋ بولىپ قالا بەرەدى.
جارلىقتى ىسكە اسىرۋ جانە جاساندى ينتەللەكت تەحنولوگيالارىن كەزەڭ-كەزەڭىمەن ەنگىزۋ اياسىندا مەكتەپتەردى زاماناۋي تسيفرلىق شەشىمدەرمەن, ساپالى ءبىلىم كونتەنتىنە قولجەتىمدىلىكپەن جانە دەربەستەندىرىلگەن وقىتۋ قۇرالدارىمەن جاراقتاندىرۋ كوزدەلگەن.
جاساندى ينتەللەكت تەحنولوگيالارىن ەنگىزۋدىڭ جۇيەلىلىگى مەن قاۋىپسىزدىگىن قامتاماسىز ەتۋ ءۇشىن ولاردى ءبىلىم سالاسىندا قولدانۋدىڭ بىرىڭعاي ستاندارتتارى بەكىتىلەدى. بۇل ستاندارتتار وقۋ ماتەريالدارىن جاساۋ جانە بەيىمدەۋ كەزىندە جي-ءدى پايدالانۋ, ءبىلىمدى باعالاۋدا تەحنولوگيالاردى قولدانۋ, اشىقتىق پەن اكادەميالىق ادالدىقتى قامتاماسىز ەتۋ جانە وقۋ ۇدەرىسىندە تسيفرلىق قۇرالداردى پايدالانۋدىڭ ەتيكالىق اسپەكتىلەرىن رەتتەۋ سياقتى نەگىزگى باعىتتاردى قامتيدى.
ءمولدىر سماحانوۆا,
قىزىلوردا قالاسىنداعى №290 كەلەشەك مەكتەبىنىڭ ديرەكتورى
