پوليتسەيلەر 21 سانكتسيالانعان ءتىنتۋ جۇرگىزىپ, زاڭسىز اينالىمنان قارۋ-جاراق پەن قوعامدىق قاۋىپسىزدىككە قاتەر توندىرەتىن وزگە دە زاتتاردى تاركىلەگەن. ماسەلەن, كۇدىكتىلەردىڭ ءبىرىنىڭ تۇرعىلىقتى جەرىنەن بىرنەشە دانا اتىس جانە تراۆماتيكالىق قارۋ, ونىڭ ىشىندە كەسىلگەن مىلتىقتار مەن وق-دارىلەرى بار كالاشنيكوۆ اۆتوماتى تابىلعان.
«اتالعان اۆتومات قاڭتار وقيعاسى كەزىندە جامبىل وبلىسى پوليتسيا دەپارتامەنتى عيماراتىنان ۇرلانعان. بارلىق كۇدىكتى ۋاقىتشا ۇستاۋ يزولياتورىنا قامالدى. سوت ولاردى قاماۋدا ۇستاۋ تۇرىندەگى بۇلتارتپاۋ شاراسىن سانكتسيالادى», دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
الماتىدا 700-گە جۋىق سۋىق قارۋ مەن تىيىم سالىنعان زاتتار تاركىلەندى
ءىىم بۇعان دەيىن دە زاڭسىز قارۋ اينالىمىنا قاتىستى كۇرەستى كۇشەيتەتىنىن مالىمدەگەن بولاتىن. ەسكە سالا كەتەيىك, بۇعان دەيىن دە الماتى وبلىسىنان قاڭتار وقيعاسىنا قاتىسى بار 74 قارۋ-جاراق تابىلعان ەدى.
