فوتو: قفف
سپورتشى الەۋمەتتىك جەلىدەگى پاراقشاسىندا جانكۇيەرلەرگە ۇندەۋ جولداپ, كلۋبپەن قوشتاسۋدى ماۋسىم سوڭىندا جەكە ءوزى جەتكىزۋدى جوسپارلاعانىن, الايدا مالىمەتتىڭ الدىن الا جاريالانىپ كەتكەنىن اتاپ ءوتتى.
«مەن ارقاشان جانكۇيەرلەرىمە اشىق بولدىم. سوندىقتان بۇل شەشىمدى ءوز اۋزىمنان ەستۋلەرىڭىزدى قالادىم», دەدى ول.
ءبىرجان ورازوۆ سوڭعى 8 جىل بويى «قايرات» ساپىندا ونەر كورسەتكەن. ونىڭ ايتۋىنشا, كلۋبتان كەتۋ – جەكە تاڭداۋى. سونىمەن قاتار ول وسى ماۋسىمدى كوماندامەن بىرگە اياقتايتىنىن ناقتىلادى.
فۋتزالشى «قايرات» قۇرامىندا ونەر كورسەتكەن جىلدارى ىشكى بىرىنشىلىكتە دە, حالىقارالىق دەڭگەيدە دە جوعارى ناتيجەلەرگە قول جەتكىزىپ, قازاقستان فۋتزالىنىڭ جەتەكشى ويىنشىلارىنىڭ ءبىرى رەتىندە تانىلدى.
ءبىرجان ورازوۆتىڭ جەتىستىكتەرى دە ايرىقشا. 2022 جىلعى ەۋروپا چەمپيوناتىندا 7 گول سوعىپ, «التىن بۋتسى» جۇلدەسىن يەلەنگەن العاشقى قازاقستاندىق اتاندى. سونداي-اق ول ۇلتتىق قۇراما ساپىندا 70-تەن استام ماتچ وتكىزىپ, بۇل كورسەتكىش بويىنشا ۇزدىك جەتى ويىنشىنىڭ قاتارىنا كىرەدى.
بۇدان بولەك, 2024 جىلعى الەم چەمپيوناتىندا يسپانيا قۇراماسىنا قارسى كەزدەسۋدە 7-سەكۋندتا گول سوعىپ, الەم چەمپيوناتتارى تاريحىنداعى ەڭ جىلدام گولداردىڭ ءبىرىنىڭ اۆتورى بولدى.
«كەلەشەك مەكتەپتەرى» وقۋشىلارى اراسىندا فۋتزالدان رەسپۋبليكالىق تۋرنير اياقتالدى
