قايعىلى وقيعا 2026 جىلعى 23 قاڭتاردا بولعان. العاشىندا قۇرلىق اسكەرلەرى قولباسشىلىعى سارباز قاراۋىل كەزىندە جەكە قارۋدان اتىلعان وقتان قازا تاپقانىن ايتىپ, بۇل جاعدايدى جازاتايىم وقيعا رەتىندە باعالاعان ەدى.
الايدا كەيىنگى تەرگەۋ ناتيجەلەرى وقيعانىڭ ءمان-جايىن وزگەشە كورسەتكەن.
باس اسكەري پروكۋراتۋرانىڭ مالىمەتىنشە, باتالون كومانديرى مەن ۆزۆود كومانديرى ساربازدارعا قاتىستى جارعىعا قايشى قارىم-قاتىناس جاساپ, پسيحولوگيالىق قىسىم كورسەتكەن. سونداي-اق ۆزۆود كومانديرى قارۋدىڭ ساقتالۋىن ءتيىستى دەڭگەيدە باقىلاماعانى انىقتالعان.
«وقيعانىڭ سەبەپتەرى مەن بارلىق ءمان-جايى انىقتالدى. بىرنەشە ەپيزود بويىنشا بيلىكتى اسىرا پايدالانۋ جانە قىزمەتكە سالعىرت قاراۋ دەرەكتەرىمەن قىلمىستىق ءىس سوتقا جىبەرىلدى», دەپ حابارلادى پروكۋراتۋرا.
تەرگەۋ قورىتىندىسى بويىنشا ءبولىم كومانديرى مەن ونىڭ ەكى ورىنباسارى قىزمەتىنەن بوساتىلدى. سونىمەن قاتار تاعى توعىز وفيتسەر تارتىپتىك جاۋاپكەرشىلىككە تارتىلعان.
