زەردەلەۋ بارىسىندا قاراعاندى وبلىسىندا − 41, ۇلىتاۋ وبلىسىندا − 44 ءونىمسىز دەلدال انىقتالىپ, ولار ساۋدا تىزبەگىنەن شىعارىلعان. ۆەدومستۆو مالىمەتىنشە, بازارلاردا بارلىق كەلىسىمشارتتار مەن تولەمدەر ارنايى اقپاراتتىق جۇيە ارقىلى جۇرگىزىلۋى مىندەتتەلىپ وتىر. بۇل دەلدالدىق سحەمالاردى ازايتىپ, ساۋداداعى اشىقتىقتى ارتتىرۋعا باعىتتالعان.
بازارداعى جاڭا ءتارتىپ: باعا ايقىندالىپ, باقىلاۋ تەتىكتەرى كۇشەيەدى
«مەملەكەتتىك كىرىستەر, ىشكى ىستەر, مونوپولياعا قارسى ورگان جانە ساۋدا دەپارتامەنتى ساۋدا تىزبەگىن رەتكە كەلتىرۋى ءتيىس. وڭىرلەردى ارالاۋ بارىسىندا جەكە كاسىپكەر رەتىندە تىركەلمەي ساۋدا جاساپ وتىرعاندار بار ەكەنىن كوردىك. دەلدالدىق سحەمالار اشىق ءجۇرىپ جاتىر, سوعان كوز جۇما قاراۋعا بولمايدى», دەدى ەرنۇر جاۋتىكباەۆ.
شىمكەنت بازارلارىندا جالعان «Coca-Cola» سۋسىندارى ساتىلعان: كومپانيا شاعىم ءتۇسىردى
كوميتەت توراعاسىنىڭ ايتۋىنشا, وڭىرلەردە بازارلاردى جاڭعىرتۋ جۇمىستارى جۇرگىزىلىپ جاتىر. قاراعاندىداعى «گورنياك» بازارى 500 ميلليون تەڭگەگە مەملەكەتتىك قولداۋ ارقىلى جاڭارتىلىپ جاتىر.
جالپى ساۋدا سالاسىن قولداۋ اياسىندا 458 جوبا سۋبسيديالانىپ, بيىل بۇل باعىتقا 10 ميلليارد تەڭگە بولىنگەن.
