بۇعان دەيىن ءماجىلىس دەپۋتاتى مۇرات ابەنوۆ ءوزىنىڭ الەۋمەتتىك جەلىدەگى پاراقشاسىندا نازارباەۆ ۋنيۆەرسيتەتى ماڭىنداعى تۇرعىن ءۇي كەشەنىندە تۇندە جۇرگىزىلگەن وپەراتسيا بارىسىندا شەتەلدىكتەردەن مىلتىقتار مەن تاپانشالار تابىلعانىن جازعان بولاتىن.
پوليتسيا دەپارتامەنتىنىڭ مالىمەتىنشە, تۇرعىن ۇيگە بەلگىسىز جاشىكتەردىڭ كىرگىزىلۋىنە بايلانىستى تۇرعىنداردان حابارلاما تۇسكەن. وقيعا ورنىنا جەدەل جەتكەن ءتارتىپ ساقشىلارى تەكسەرۋ جۇمىستارىن جۇرگىزدى.
تەكسەرۋ ناتيجەسىندە جاشىكتەردىڭ ىشىنەن تابىلعان زاتتاردىڭ جاۋىنگەرلىك قارۋ ەمەس ەكەنى انىقتالدى.
«تەكسەرۋ بارىسىندا جاشىكتىڭ ىشىندە تاريحي جانە مادەني قۇندىلىعى بار انتيكۆارلىق قارۋ-جاراق زاتتارى بولعانى انىقتالدى. ساراپشىلاردىڭ قورىتىندىسىنا سايكەس, ولار زاماناۋي جاۋىنگەرلىك قارۋ ساناتىنا جاتپايدى. تۇرعىندارعا ەشقانداي قاۋىپ تونگەن جوق. سونىمەن قاتار اتالعان فاكتى بويىنشا قولدانىستاعى زاڭناما اياسىندا تەكسەرۋ جۇمىستارى جۇرگىزىلىپ جاتىر», دەپ حابارلادى قالالىق پوليتسيا دەپارتامەنتى.
پوليتسيا نۇسقاۋىن ورىنداعان جۇرگىزۋشىگە 21 مىڭ تەڭگە ايىپپۇل سالىندى
ءتارتىپ ساقشىلارى ازاماتتاردى تەك رەسمي اقپارات كوزدەرىنە سەنۋگە جانە جالعان مالىمەت تاراتپاۋعا شاقىرادى.
