فوتو: اشىق دەرەككوز
الەۋمەتتىك جەلىلەردە تاراعان بەينەجازبا قوعامدا قىزۋ تالقىعا ءتۇستى. Lada.kz باسىلىمىنىڭ مالىمەتىنشە, اتا-انالاردىڭ شاعىمىنا قاراعاندا, بالا ءوزىن وتە اگرەسسيۆتى ۇستايدى: توپتار اراسىندا ەركىن ءجۇرىپ, بالالارعا شابۋىل جاسايدى جانە ولاردى قورقىتادى.
شاعىمدانۋشى انالاردىڭ ءبىرى بالانىڭ كەڭسە پىشاعىن ۇستاپ جۇرەتىنىن جانە قىزداردى ۇرىپ-سوعىپ, ولارعا: «ۇيىقتاماڭدار, ايتپەسە ءبىر جەرلەرىڭدى كەسىپ الامىن» دەپ سەس كورسەتەتىنىن ايتقان.
بالاباقشالاردى ۆاۋچەرلىك قارجىلاندىرۋ 1 شىلدەگە دەيىن جالعاسادى
اتا-انالاردىڭ نارازىلىعىن تۋدىرعان تاعى ءبىر جايت – بالانىڭ وسى بالاباقشا ديرەكتورىنىڭ ۇلى بولۋى. ولار مەكەمە قىزمەتكەرلەرى باسشىنىڭ بالاسى بولعاندىقتان, بۇزاقىلىققا كوز جۇمىپ وتىر دەپ ەسەپتەيدى.
تۇرعىنداردىڭ ءبىرى جاعدايدى انىقتاۋ ءۇشىن بەينەباقىلاۋ كامەرالارىنداعى جازبالاردى تالاپ ەتكەنىمەن, مەكەمە اكىمشىلىگى «بەينەجازباعا تۇسىرۋگە تىيىم سالىنعان» دەگەندى العا تارتىپ, باس تارتقان. ال ۋچاسكەلىك پوليتسيا قىزمەتكەرى جازبالاردى تەك رەسمي ارىز نەگىزىندە عانا الۋعا بولاتىنىن ءتۇسىندىردى.
قازىرگى ۋاقىتتا اتا-انالار زاڭنىڭ بارىنە ورتاق بولۋىن جانە بالالاردىڭ قاۋىپسىزدىگىن تولىق قامتاماسىز ەتۋدى تالاپ ەتىپ وتىر.
ماڭعىستاۋ وبلىستىق ءبىلىم باسقارماسى بۇل جاعدايدان حاباردار ەكەنىن مالىمدەدى. ۆەدومستۆونىڭ حابارلاۋىنشا, 20 ساۋىردەن باستاپ اتالعان مەكتەپكە دەيىنگى مەكەمەدە قىزمەتتىك تەكسەرىس جۇرگىزىلەدى.
بالاباقشا مەن كوللەدجدەردە داۋ-دامايدى رەتتەيتىن مەدياتسيا قىزمەتتەرى قۇرىلادى
ارنايى قۇرىلعان جۇمىس توبى بارلىق جاعدايدى جانە ۇسىنىلعان ماتەريالداردى زەردەلەيتىن بولادى. تەكسەرىس قورىتىندىسى بويىنشا زاڭ اياسىندا ءتيىستى شارالار قابىلدانادى.
