فوتو; ۇكىمەت, تەلەگرام
كەلىسىم «قازاۆتوجول» ۇك اق, حالىقارالىق قايتا قۇرۋ جانە دامۋ بانكى جانە ازيا ينفراقۇرىلىمدىق ينۆەستيتسيالار بانكى اراسىندا جاسالدى.
جوبا اياسىندا كولىك ينفراقۇرىلىمىن دامىتۋ, ترانزيتتىك الەۋەتتى ارتتىرۋ جانە وڭىرلەر اراسىنداعى بايلانىستاردى كۇشەيتۋ كوزدەلگەن. سونداي-اق جاڭا جولدىڭ ىسكە قوسىلۋى جول ءجۇرۋ ۋاقىتىن ەداۋىر قىسقارتىپ, قوزعالىس قاۋىپسىزدىگىن ارتتىرۋعا جانە ورتالىق قازاقستاننىڭ دامۋىنا قوسىمشا سەرپىن بەرۋگە مۇمكىندىك بەرەدى.
قازىرگى ۋاقىتتا كونكۋرس راسىمدەرى اياقتالۋ ساتىسىندا تۇر. جولدىڭ جالپى ۇزىندىعى 457 شاقىرىم, ال نەسيە سوماسى 650 ملرد تەڭگەنى قۇرايدى. بيىل جوبا اياسىندا جوبالاۋ جانە قۇرىلىس جۇمىستارى باستالادى.
جوبا سونداي-اق لوگيستيكانى دامىتۋعا, ءوڭىردىڭ ينۆەستيتسيالىق تارتىمدىلىعىن ارتتىرۋعا جانە جاڭا جۇمىس ورىندارىن قۇرۋعا ىقپال ەتپەك.
جاۋاپتى ورگانداردىڭ مالىمەتىنشە, قۇرىلىس جۇمىستارى جاقىن ۋاقىتتا باستالادى.
قازاقستان دۇنيەجۇزىلىك بانكپەن جاڭا جوبالاردى ىسكە اسىرۋعا نيەتتى
