فوتو: gov.kz
وقۋ-اعارتۋ مينيسترلىگىنىڭ مالىمەتىنشە, اتتەستاتتاردى تابىستاۋ ءراسىمى تەك ءبىلىم بەرۋ ۇيىمدارىنىڭ عيماراتتارىندا ۇيىمداستىرىلۋى ءتيىس. سونداي-اق ءبىلىم الۋشىلاردان, ولاردىڭ اتا-انالارىنان نەمەسە زاڭدى وكىلدەرىنەن قاراجات جانە وزگە دە ماتەريالدىق قۇندىلىقتاردى جيناۋعا قاتاڭ تىيىم سالىنعان.
«ادال ازامات»: مەكتەپ وقۋشىلارىنا جاڭا كونستيتۋتسيانىڭ نورمالارى ءتۇسىندىرىلدى
«بەلگىلەنگەن تالاپتارعا سايكەس, ءبىتىرۋ كەشتەرىن ءبىلىم بەرۋ ۇيىمدارىنان تىس جەرلەردە ۇيىمداستىرۋعا رۇقسات ەتىلمەيدى. جەرگىلىكتى اتقارۋشى ورگاندارعا قارجىلىق شىعىنداردى تالاپ ەتپەيتىن تاربيەلىك جانە مادەني-اعارتۋشىلىق ءىس-شارالاردى ۇيىمداستىرۋ جانە ءتۇسىندىرۋ جۇمىستارىن جۇرگىزۋ تاپسىرىلدى», دەلىنگەن مينيسترلىك تاراتقان حابارلامادا.
ال ىشكى ىستەر ورگاندارى تاراپىنان قۇقىق بۇزۋشىلىقتاردىڭ الدىن الۋ, قوعامدىق ءتارتىپتى ساقتاۋ جانە ءبىلىم الۋشىلاردىڭ قاۋىپسىزدىگىن قامتاماسىز ەتۋ بويىنشا شارالار تاپسىرىلدى.
