جارايسىڭدار, «نامىستىڭ» جىگىتتەرى!

ماقتاارال وڭىرىنەن شىققان بەلگىلى ازاماتتاردىڭ ءبىرى قازاقستان رەسپۋبليكاسىنىڭ باس اسكەري پروكۋرورى ەرعالي سەرىكباي ۇلى مەرزادينوۆتىڭ باستاماسىمەن ۇلى جەڭىستىڭ 70 جىلدىق مەرەكەسىنە وراي «ەسىرتكىسىز – بولاشاققا» اتتى ۇرانمەن وتكىزىلگەن ماقتاارال اۋدانىنداعى 122 مەكتەپتىڭ وقۋشىلار اراسىندا «م» ليگاسى بويىنشا وتكىزگەن جارىستا ءبىزدىڭ مامىق توقجىگىتوۆ اتىنداعى جالپى ورتا مەكتەبىنىڭ «نامىس» فۋتبول كومانداسى I ورىندى جەڭىپ الدى. بۇل, ارينە, كوماندانىڭ جاتتىقتىرۋشىسى, دەنەشىنىقتىرۋ ءپانىنىڭ مۇعالىمى اسقار ابەنوۆ اعامىزدىڭ ەڭبەگىنىڭ جەمىسى. ەرعالي سەرىكباي ۇلىنىڭ دەمەۋشىلىگىمەن ولار 14 ماۋسىم كۇنى استانا قالاسىنا بارىپ, «قاجىمۇقان» اتىنداعى ستاديوندا «جاس ۇلان» فۋتبول كومانداسىمەن جولداستىق كەزدەسۋ وتكىزىپ, ءبىزدىڭ «نامىس» فۋتبول كومانداسى نامىستى قولدان بەرمەي 6:3 ەسەبىمەن جەڭىپ قايتتى. بۇل دا ءبىز ءۇشىن ۇلكەن مەرەي. استاناعا بارعان فۋتبولشىلارىمىز نازارباەۆ ۋنيۆەرسيتەتتە, بايتەرەكتە, ەكسپو-2017 قۇرىلىس الاڭىندا, سىرتقى جانە ىشكى ىستەر مينيسترلىكتەرىندە, حان شاتىر, ساياباق, مۇراعاتتاردا بولىپ, استانانىڭ اسەم جەرلەرىمەن تانىسىپ ۇلكەن اسەر الىپ قايتتى. وقۋشىلارىمىزدىڭ وسىلاي جاقسى دەمالىپ, وي-ءورىسىن كەڭەيتىپ, تۋعان جەرگە, سپورتقا دەگەن ءسۇيىس­پەنشىلىگىن ارتتىرىپ كەلۋىنە ۇلكەن سەپتىگىن تيگىزگەن دانيار جۇ­ما­دىلوۆ, قانات باەتوۆ, التاي مول­داباەۆ جانە باسقا ازاماتتارعا, قالا ارالاۋدا كولىك قىزمەتىن كورسەتكەن ءانۋار ەسىمدى جىگىتكە اتا-انالار مەن مەكتەپ ۇجىمى اتىنان ۇلكەن العىسىمىزدى بىلدىرەمىز. ال تۋعان جەرىنىڭ جاستارىنىڭ جاقسى ازامات بولىپ وسۋىنە, سپورتتى ءسۇيىپ, سالاماتتى ءومىر سالتىن ساقتاپ, ەلدىڭ ءوسىپ-وركەندەۋىنە ۇلەس قوساتىن دەنى ساۋ, رۋحى مول ازاماتتار ءوسىپ شىقسىن دەگەن نيەتپەن دەمەۋشىلىك جاساپ جۇرگەن جەرلەسىمىز ەرعالي سەرىكباي ۇلى مەرزادينوۆكە دەگەن قۇرمەتىمىز ەرەكشە. ول كىسىگە ەل ءۇشىن جاساپ جۇرگەن ەڭبەگىڭىز جەمىستى بولسىن دەپ, ۇلكەن راحمەت ايتامىز. جاس ۇرپاق تاربيەسىنە كوڭىل بولەر وسىنداي ازاماتتار ەل باسقارعان اعالار اراسىندا كوپ بولسا, نۇر ۇستىنە نۇر بولار ەدى. استانادان اۋىلعا تۇنگى ساعات ەكىدە ورالعان فۋتبولشىلا­رى­مىز­دى بۇكىل اۋىل بولىپ مۋزىكا­مەن, مەرەكەلىك داستارقانمەن كۇتىپ الدىق. مەكتەپ باسشىلارى مەن اتا-انالار جاس جەتكىنشەكتەرگە جانە ولاردىڭ جاتتىقتىرۋشىسى اسقار ابەنوۆكە ۇلكەن جەڭىستەرى ءۇشىن العىستارىن ايتىپ, كەلەشەك ومىرلەرىنە جاقسى تىلەكتەرىن ءبىلدىردى. جۇماگۇل كاريەۆا, م.توقجىگىتوۆ اتىنداعى ورتا مەكتەپ مۇعالىمى. وڭتۇستىك قازاقستان وبلىسى, ماقتاارال اۋدانى, ەسەنتاەۆ اۋىلى.