سۋرەت: kaz.inform.kz
«ەرتىس ورمانى» مەملەكەتتىك تابيعي رەزەرۆاتى – ەلىمىزدەگى بيوالۋانتۇرلىلىگى جوعارى, عىلىمي ماڭىزى زور اۋماقتاردىڭ ءبىرى. قازىر مۇندا قۇستاردىڭ 90 ءتۇرى تىركەلگەن. ونىڭ ىشىندە 10 ءتۇرى ەلىمىزدىڭ قىزىل كىتابىنا ەنگەن. سونداي-اق وسىمدىكتەردىڭ 307 ءتۇرى مەن سۇتقورەكتىلەردىڭ 21 ءتۇرى انىقتالعان.
«بىلتىر رەزەرۆات ماماندارى زەرتتەپ, انىقتاعان, بۇرىن-سوڭدى كەزدەسپەگەن قۇس تۇرلەرىنىڭ ىشىندە كادىمگى جىلانجەگىش (Circaetus gallicus), ەمەنتۇمسىق (Coccothraustes coccothraustes), ازيالىق قاراباس شاقشاق (Saxicola maurus), قىزىلقۇلاق س ۇلىكەش (Emberiza cioides) سىندى قۇستار بار. ءبىرازى بۇعان دەيىن ەرتىس-بايان وڭىرىندە ۇشىراسپاعان, العاش تىركەلىپ وتىر», دەپ حابارلادى رەزەرۆات وكىلدەرى.
مەكەمە باسشىلىعى الداعى ۋاقىتتا دا مونيتورينگ جاساۋدى جۇيەلى جالعاستىرا بەرەتىندەرىن ايتادى. تابيعي بايلىقتى ساقتاۋ مەن قورعاۋدا «ەرتىس ورمانىنىڭ» الاتىن ماڭىزى ارتا تۇسپەكشى.
پاۆلودار وبلىسى
