سۋرەت جي كومەگىمەن جاسالعان
جازعى وليمپيادالىق جانە وليمپيادالىق ەمەس سپورت تۇرلەرى بويىنشا سپورتشىلارىمىز 138 مەدال (51 التىن, 39 كۇمىس, 48 قولا) جەڭىپ الدى. بۇل – قازاقستاننىڭ الەمدىك سپورتتاعى تۇراقتى ءوسىمىن كورسەتەتىن ماڭىزدى كورسەتكىش.
ۇلتتىق سپورت تۇرلەرى دە نازاردان تىس قالمادى. قازاقستان قۇراماسى 22 مەدال يەلەنىپ (9 التىن, 6 كۇمىس, 7 قولا), ءداستۇرلى سپورتتىڭ دامىپ كەلە جاتقانىن دالەلدەدى. بۇل باعىت ۇلتتىق مۇرانى ساقتاۋمەن قاتار, حالىقارالىق دەڭگەيدە دە تانىتۋعا مۇمكىندىك بەرىپ وتىر.
پاراسپورتشىلار دا جوعارى ناتيجە كورسەتتى. جالپى 34 مەدال (15 التىن, 10 كۇمىس, 9 قولا) جەڭىپ العان ولار ەل مەرەيىن اسىردى. ونىڭ ىشىندە:
- پاراليمپيادالىق سپورت تۇرلەرىندە – 24 مەدال (7 التىن, 8 كۇمىس, 9 قولا)
- پاراليمپيادالىق ەمەس باعىتتا – 10 مەدال (8 التىن, 2 كۇمىس)
بۇل كورسەتكىش ينكليۋزيۆتى سپورتتىڭ قارقىندى دامىپ كەلە جاتقانىن اڭعارتادى.
قىسقى پاراليمپيادا اياقتالدى: قازاقستان جالپى ەسەپتە قانداي ناتيجە كورسەتتى؟
قىسقى سپورت تۇرلەرىندە دە جەتىستىك بار. سپورتشىلارىمىز 6 مەدال (4 التىن, 2 كۇمىس) جەڭىپ الدى. بۇل قازاقستاننىڭ قىسقى سپورتتاعى الەۋەتىن ايقىنداي تۇسەدى.
بىرقاتار جاس سپورتشى حالىقارالىق دودالاردا توپ جاردى:
- ۆەلوترەكتەن قازاقستاننىڭ ءجاسوسپىرىم قىزدار قۇراماسى ءفيليپپيننىڭ تاگايتاي قالاسىندا وتكەن ازيا چەمپيوناتىندا كوماندالىق ءىز كەسۋ جارىسىندا التىن مەدال جەڭىپ الدى.
- فريستايل-اكروباتيكادان جاسوسپىرىمدەر اراسىنداعى الەم چەمپيوناتىندا اسان اسىلحان (103,35 ۇپاي) التىن, ال دىنمۇحامەد رايىمقۇلوۆ (92,82 ۇپاي) كۇمىس جۇلدەگەر اتاندى.
- سپورتتىق گيمناستيكادان ميلاد كاريمي باكۋ قالاسىندا وتكەن الەم كۋبوگىندە 2 كۇمىس مەدال يەلەندى.
- كونكيشى كريستينا شۋمەكوۆا جاسوسپىرىمدەر اراسىنداعى الەمنىڭ ءابسوليۋتتى چەمپيونى اتانىپ, 5 التىن مەدال جەڭىپ الدى. بۇل – وتاندىق سپورت تاريحىنداعى ايتۋلى جەتىستىك.
سالا مينيسترلىگى سپورتشىلاردى دايارلاۋ باعىتىنداعى جۇمىستاردى جۇيەلى تۇردە جالعاستىرىپ كەلەدى. بۇل – الداعى كەزەڭدە دە قازاقستان سپورتشىلارىنىڭ جەڭىستى جولىنا نەگىز بولماق.
وليمپياداعا دايىندىق بارىسىن قولداۋ: سپورتشىلارعا قوماقتى قارجى بەرىلدى
