وسكەمەن. 26 اقپان. شىعىس قازاقستان وبلىسىنىڭ بەسقاراعاي اۋدانىندا «نۇر وتان» پارتياسىنىڭ قولداۋىمەن كەڭەس وداعىنىڭ باتىرى ماحمەت قايىرباەۆتىڭ 90 جىلدىعىنا وراي شاحماتتان تۋرنير ءوتتى. بۇل تۋرالى egemen.kz ءتىلشىسى حابارلادى.
اۋداندىق ارداگەرلەر ۇيىندە «ارداگەرلەردى ارداقتايىق» پارتيالىق جوباسى اياسىندا «نۇر وتان» پارتياسىنىڭ بەسقاراعاي اۋداندىق فيليالىنىڭ قولداۋىمەن وتكەن تۋرنيرگە باستاۋىش پارتيا ۇيىمدارىنىڭ كوماندالارى قاتىستى. ولاردىڭ ىشىندە بەسقاراعاي, جەتىجار, گلۋحوۆكا, كانونەركا, قاراباس, باسكول, كىشى-ۆلاديميروۆكا سايلاۋ وكرۋگتەرىنىڭ باستاۋىش پارتيا ۇيىمدارى بار.
«ماقساتىمىز – تۇرعىنداردىڭ شاحمات ويىنىنا قىزىعۋشىلىعىن ارتتىرا وتىرىپ, شىعارماشىلىق قابىلەتتەرىن دامىتۋ. سونداي-اق بەسقاراعاي اۋدانىنان شىققان ايگىلى جەرلەسىمىز, كەڭەس وداعىنىڭ باتىرى ماحمەت قايىرباەۆتىڭ ەرلىگىنە تاعزىم ەتىپ, بۇگىنگى ۇرپاقتىڭ بەيبىت ءومىر ءسۇرۋى جولىندا قان كەشكەن ۇلى وتان سوعىسىنىڭ ارداگەرلەرىنە قۇرمەت كورسەتۋ», – دەدى «نۇر وتان» پارتياسى بەسقاراعاي اۋداندىق فيليالى توراعاسىنىڭ ءبىرىنشى ورىنباسارى بولات وماروۆ.
ويىن ناتيجەسىندە ءى ورىندى – №2 بەسقاراعاي سايلاۋ وكرۋگى, ءىى ورىندى – № 5 گلۋحوۆكا سايلاۋ وكرۋگى, ءىىى ورىندى – №1 باسكول اۋىلدىق وكرۋگىنىڭ باستاۋىش پارتيا ۇيىمدارى الدى. قاتىسۋشى كوماندالار ماقتاۋ قاعازدارىمەن ماراپاتتالىپ, اقشالاي سىيلىقتارعا يە بولدى.
«جاستار اراسىندا سالاۋاتتى ءومىر سالتىن ناسيحاتتاۋ, اعا ۇرپاقتان ونەگە الۋ ىسپەتتى تاعىلىمدى دۇنيە وسىنداي شارالاردان باستاۋ الادى. سوندىقتان ۇلى جەڭىستىڭ 70 جىلدىعى قارسانىڭدا شاحماتتان تۋرنير وتكىزىپ وتىرعان «نۇر وتان» پارتياسىنا العىس ايتامىز», – دەدى اۋدان ارداگەرى سايران نۇرسەيىتوۆ.
دۋمان اناش.
دەرەك: egemen.kz.
سۋرەت: «نۇر وتان» پارتياسىنىڭ شقو فيليالى.
