رومان سكليار ءوز سوزىندە القا وتىرىسى ەلىمىز ءۇشىن ماڭىزدى وقيعا – جاڭا كونستي تۋتسيا جونىندەگى رەسپۋبليكالىق رەفەرەندۋم قارساڭىندا وتكىزىلىپ جاتقانىن اتاپ ءوتتى.
«كونستيتۋتسيا جوباسىنىڭ ۇسىنىلعان رەداكتسياسىندا قوعامنىڭ باستى سۇرانىستارىنىڭ ءبىرى – ادام ءومىرى مەن دەنساۋلىعى ءۇشىن قولايلى ورتا قۇرۋ, تابيعاتقا ۇقىپتى قاراۋ سىندى ىرگەلى قاعيداتتى ەنگىزۋ», دەدى ول.
ەكولوگيا جəنە تابيعي رەسۋرستار ءمينيسترى ەرلان نىسانباەۆ قورشاعان ورتانى قورعاۋدى قامتاماسىز ەتۋ, ەلدىڭ
تابيعي رەسۋرستارىن ۇتىمدى پايدالانۋ مەن كوبەيتۋ بويىنشا نەگىزگى جەتىستىكتەرگە توقتالدى. جەتەكشىلىك ەتەتىن باعىتتاردا ۆيتسەمينيسترلەردىڭ اتقارعان جۇمىستارى تۋرالى ەگجەي-تەگجەي ەسەپتەر تىڭدالدى. قازىر مينيسترلىك قورشاعان ورتانىڭ جاي-كۇيىن باقىلاۋ, قوقىستاردى باسقارۋ, قالدىقتارعا مونيتورينگ جۇرگىزۋ, ورمان ورتتەرىنىڭ وشاقتارىن ۋاقتىلى انىقتاۋ, ورمان رەسۋرستارىن ەسەپكە الۋ, ۇلتتىق پاركتەرگە بارۋدى قاداعالاۋعا قاتىستى تسيفرلىق جوبالار كەشەنىن جۇزەگە اسىرىپ جاتىر.
مينيسترلىكتىڭ ماڭىزدى مىندەتى – جەكە ينۆەستيتسيالاردى تارتا وتىرىپ قالدىقتاردى باسقارۋ جۇيەسىن دامىتۋ.
مەملەكەت باسشىسى بۇۇ باس اسسامبلەياسىنىڭ 78-سەسسياسىندا بيىل ەلىمىزدە وڭىرلىك ەكولوگيالىق سامميت وتكىزۋ تۋرالى ايتتى. سامميت – مەملەكەتتەر مەن ۇكىمەت باسشىلارىنىڭ, حالىقارالىق سەرىكتەستەر مەن ساراپشىلار قاۋىمداستىعىنىڭ قاتىسۋىمەن وتەتىن ماڭىزدى حالىقارالىق ءىس-شارا. سامميت وتكىزۋ ورتالىق ازيا ەلدەرىنىڭ وڭىرارالىق ىنتىماقتاستىقتاعى əلەۋەتىن جəنە ونىڭ جاھاندىق كليماتتىق كۇش-جىگەردى كۇشەيتۋگە قوسقان ۇلەسىن كورسەتۋگە ءتيىس.
پرەزيدەنتتىڭ «تازا قازاقستان» باستاماسى اۋقىمدى جالپىۇلتتىق قوزعالىسقا اينالدى. اۋماقتاردى جيناۋدان باستاپ حالىقتىڭ ەكولوگيالىق مəدەنيەتىن ارتتىرۋعا باعىتتالعان اۋقىمدى اعارتۋ جوبالارىنا دەيىن ەكولوگيالىق ءىس-شارالاردىڭ كەڭ اۋقىمى جۇزەگە اسىرىلىپ جاتىر. 2 ملرد اعاش وتىرعىزۋ جəنە ورمان القا بىن
14,5 ملن گەكتارعا دەيىن جەتكىزۋ جۇمىستارى اۋقىمدى تۇردە جۇرگىزىلىپ جاتىر. وڭ ديناميكاعا قاراماستان جەردىڭ دەگراداتسياسى مەن شولەيتتەنۋ مəسەلەلەرى بار. بۇل مəسەلەنىڭ شەشىمى – جەل ەروزياسىن ازايتۋ, قۇمداردى بەكىتۋ, سونداي-اق جايىلىمداردى قالپىنا كەلتىرۋ ماقساتىندا قورعانىس ورمان بەلدەۋلەرى مەن توسقاۋىل ەكپەلەر جۇيەسىن قۇرۋ.
بىلتىر پرەمەر-مينيستر ولجاس بەكتەنوۆ 24 ەڭ قاۋىپتى ورمان جəنە تابيعاتتى قورعاۋ مەكەمەلەرىندە ورمان ورتتەرىن ەرتە انىقتاۋ جۇيەسىن ەنگىزۋ جونىندە ناقتى مىندەت قويدى. وتكەن جىلى اتالعان جۇيە جيىنتىق
اۋقىمدا 2,2 ملن گەكتارعا دەيىن جەتكىزىلدى. سونىمەن قاتار وعان جاساندى ينتەللەكت ينتەگراتسيالانعان. ول دەرەكتەردى تىركەپ, بىردەن جەدەل باسقارۋ ورتالىعىنا جىبەرەدى. وسى جىلدىڭ سوڭىنا دەيىن ەلىمىزدەگى ەڭ ورتكە ورانۋ قاۋپى جوعارى ورمانداردىڭ 5,4 ملن گەكتار اۋماعى جۇيەمەن قامتىلادى.
بۇدان بولەك, القا مəجىلىسىندە 2026 جىلعا قويىلعان مىندەتتەردى ورىنداۋ تۋرالى شارالار دا ءسوز بولدى. اتاپ ايتقاندا, ەكولوگيالىق قاۋىپسىزدىكتى قامتاماسىز ەتۋ, بيوالۋانتۇرلىلىكتى ساقتاۋ, جاۋاپتى ءəرى جاسامپاز ءپاتريوتيزمدى ىلگەرىلەتۋ, جوعارى ەكولوگيالىق مəدەنيەتتى قالىپتاستىرۋ بو يىنشا بەلگىلەنگەن ماقساتتاردى جۇزەگە اسىرۋ جونىندە تاپسىرمالار بەرىلدى.
