كورمەنى رەسپۋبليكامىزعا تانىمال, ۇلتتىق قولونەر زاتتارىن كوپشىلىككە ناسيحاتتاپ جۇرگەن قاراسايلىق بەكدايىر اۋلەتىنىڭ ۇلتتىق رەڭكتەگى ويۋ-ورنەكپەن ناقىشتالعان تۋىندىلارى قۇرادى. قولونەر شەبەرلەرى وزبەكالى جانىبەكتىڭ 90 جىلدىعىنا ارنالعان ۇلتتىق كيىم بايقاۋىنىڭ, «مەرەيلى وتباسى» ۇلتتىق بايقاۋىنىڭ جەڭىمپازدارى اتانعان.
بەكدايىر وتباسىنىڭ ۇلتتىق ناقىشتاعى تۋىندىلارىن تاماشالاۋعا كەلگەن ءا.بۇقاربايقىزى اتىنداعى, قاراساي باتىر اتىنداعى ورتا مەكتەپتىڭ جوعارعى سىنىپ وقۋشىلارىنىڭ نازارىنا ۇلتتىق قۇندىلىعىمىز وتباسىلىق مادەنيەتتەن باستاۋ الىپ, حالقىمىزدىڭ بايىرعى تاريحىمەن استاسىپ جاتقانى باياندالدى. تاريحي كەزەڭدەردەن بۇگىنگە جەتكەن ۇلتتىق كيىمدەرىمىز بەن قولونەر تۋىندىلارى – حالقىمىزدىڭ رۋحاني مۇراسى. كوز تارتارلىق كورمەگە قويىلعان جادىگەرلەردىڭ اۆتورلارى قازاقستاننىڭ ەڭبەك سىڭىرگەن مادەنيەت قىزمەتكەرى, سۋرەتشىلەر وداعىنىڭ مۇشەسى قوڭىر ەگەن ۇلى مەن جارى انارگۇل ناربوتانوۆا ۇلتتىق ويۋ-ورنەكپەن ادىپتەلگەن كيىم كيۋ ارقىلى وتكەندى قۇرمەتتەپ, كەلەشەك ۇرپاققا ۇلگى-ونەگە كورسەتەتىنىن اتاپ ءوتتى. ءاربىر كيىمدە كونەدەن جەتكەن تاعىلىم, ءداستۇر مەن دانالىقتىڭ سىر-قۇپيالارى بارىن جاس وسكىننىڭ ەسىنە سالدى.
زاماناۋي تەحنولوگيالار جەتىستىگىن پايدالانا وتىرىپ, وسكەلەڭ جاستىڭ تالعامىنا وڭ اسەر بەرەتىن, ءتىپتى, قىزداردىڭ قىزىعۋشىلىعىن وياتقان اشەكەي سىرعا, ساقينا, القا, بىلەزىك, شاشباۋ, كوز جاۋىن الار شەكەلىكتىڭ ءتۇر-ءتۇرى كورمەدەن ورىن تاپتى. قازاق تاريحىنىڭ بايىرعى قۇندى جادىگەرى جارتاس سۋرەتتەرىندەگى ايشىقتى بەينەلەر, ويۋ-ورنەك ۇلگىلەرى سوناۋ قولا ءداۋىرى كەزەڭنەن قالعان قۇندىلىقتارىمىز ماتا, ءجۇن مەن كيىز ۇلگىلەرىنەن دايىندالعان كيىم-كەشەك تۋىندىلارىن ياعني, كوللەكتسيالىق توپتاماسىن جوعارعى سىنىپ وقۋشىلارى ءوز قالاۋىنا قاراي كيىپ, جاستار تالعامىنداعى ءسان كورسەتىلىمىن جاسادى.
«تاريحي ورىندار, تاريحي ەسكەرتكىشتەر مەن مادەني قۇندىلىقتاردىڭ قورعالۋى بولسىن بارلىعى دا ۇلتتىق تاربيە قۇرالى رەتىندە اعارتۋشىلىق جانە ءبىلىم بەرۋ اياسىنداعى ناسيحاتتالۋ ادىستەرى مەملەكەتىمىزدىڭ تاريحي ءرولىن كورسەتەدى. ورتالىقتىڭ ۇلكەن ەكرانىندا سوناۋ قولا داۋىرىنەن باستاۋ الاتىن بايىرعى تاريحىمىزبەن ساباقتاسا ۇندەسكەن قازاق ۇلىسىنىڭ تاريحى قىسقاشا باياندالدى. كورمە جۇمىسىنىڭ باستى ماقساتى – وسىناۋ تاريحي كەزەڭدەردىڭ ءوزارا ساباقتاستىعىن كورسەتۋ», دەيدى «اتامەكەن» ورتالىعىنىڭ اعا عىلىمي قىزمەتكەرى ءابۋ الپامىس.
الماتى وبلىسى
