جاھان كەزگەن جيھانكەزدەر

نيدەرلاندىقتار ۇلى جىبەك جولىمەن قازاقستانعا كەلدى سوناۋ روتتەردامنان كۆادرو­تسيكل­مەن شىققان ەكى گوللانديالىق جيھانكەز مارك ۆان دەر ۆەرفف پەن ساندەر پارمانتە ۇلى جىبەك جولى بويىمەن شانحايعا كەتىپ بارادى. وتكەن اپتا اۋا بەرە ولار قازاق­ستانعا جەتىپ جىعىلدى. سايا­حات­شىلار التى ايدىڭ ىشىندە وتان­دارىنا قايتا ورالۋدى مەجەلەپ وتىر. وسى ارالىقتا گوللان­ديا­لىق­تار 30 مىڭ شاقىرىم جول ءجۇرىپ وتەدى. جيحانكەزدەر وسى ۇزاق ساپار­لارى بويىندا كورگەن قىزىقتارى مەن شىجىقتارىن, تاماشا ءسات­تەر­دى, تابيعات عاجايىپتارىن بەي­نە­تاس­پاعا ءتۇسىرىپ كەلە جاتىر ەكەن. ولار وتكەن بەيسەنبىدە قازاقستاندىق جۋر­ناليستەرمەن كەزدەسىپ, ساپار­لارى­نىڭ اسەرىمەن ءبولىستى. كوزبەن كورگەندەرىن بايانداپ, ء“ححى عاسىردا ۇلى جىبەك جولىن زەرتتەۋ” تاقى­رى­بىندا سۇحبات قۇردى. گوللانديا­لىق­تار جارتى جىلدىق ساياحات بارىسىندا جەتىم بالالار ءۇشىن قۇرىلعان وتباسىلىق SOS ءChىldren’s قالاشىقتارىن دا ارالاپ كەلە جاتقاندارىن ايتتى. “بىزدەر تەك وسىنداي دەرەۆنيا­لار­عا بارىپ قانا قويماي, ولار ءۇشىن قاراجات تا جيناۋعا ۇمتىلىپ كەلەمىز. بالالاردىڭ SOS قالا­شىق­تا­رى ءۇشىن بارىنشا كوپ اقشا جيناۋعا كۇش سالا وتىرىپ, ءوزىمىز­دىڭ ەرەكشە ساياحاتىمىزدا قيىن­دىق­تارعا دۋشار بولساق تا, قوعامدا تاستاندى, جەتىم بالالاردىڭ بار ەكەنىن ەسكە سالۋعا, وسى ماسەلەگە نازار اۋدارتۋعا ارەكەت ەتۋدەمىز”, دەي­دى مارك ۆان دەر ۆەرفف. ال ساندەر پارمەنتەنىڭ اي­تۋىن­شا, ساياحاتشىلاردىڭ سايتىنا كەز كەلگەن ادام كىرىپ, ولارعا ءارتۇر­لى تاپسىرمالار ورىنداۋعا ۇسىنىس بەرۋگە بولادى ەكەن. ماسەلەن, جەتىم بالالار ءۇشىن ساداقا جيناپ ءجۇرۋ دە سايتقا ەنگەن جۇرتشىلىقتىڭ جيھان­كەزدەرگە جۇكتەگەن اماناتى. ۇسى­نىستارعا داۋىس بەرۋ SOS قالا­شىقتارىنىڭ قورلارىنا جارنا اۋدارۋ ارقىلى جۇرگىزىلەدى. قازىرگە دەيىن ولار 3 مىڭنان استام ەۆرو جيناعان. ولاردىڭ سا­پار­لارىن باقىلاپ وتىرعانداردىڭ تاعى ءبىر تاپسىرماسى – ەكى جي­ھان­كەز تۇڭعىش رەت وسىنداي قاشىق­تىقتى كۆادروتسيكلمەن ءجۇرىپ وتە­تىندىكتەن گيننەستىڭ رەكوردتار كىتابىنا ەنۋلەرى كەرەك. وسىلايشا روتتەردامنان 1 ما­مىردا شىققان ساياحاتشىلار 1 قا­راشادا گوللاندياعا قايتا ورالماق. قازاقستاننان ەندى قىتايعا باعىت العان ەكى جيھانكەز وزدەرىن قازاق جەرى وسىنشالىقتى ىقىلاسپەن, كەڭ داستارقان, تەگىن جاتىن ورىنمەن قارسى الادى دەپ كۇتپەگەندەرىن ايتا­دى. ولاردىڭ ساپارلارىن ءساتتى جىلجىتىپ كەلە جاتقان دا جو­لاي­عى قايىرىمدى ادامداردىڭ ىقى­لاسى ەكەن. ايناش ەسالي, الماتى.