فوتو: ج.جۇمابەكوۆا.
پارلامەنت پالاتالارىنىڭ باسشىلارى «EXPO» حالىقارالىق كورمە ورتالىعىنىڭ اۋماعىندا ورنالاسقان ەتنواۋىلعا باردى. ولار مەرەكەلىك ءىس-شارالارعا قاتىسۋشىلارمەن اڭگىمەلەسىپ, قازاق حالقىنىڭ ۇلتتىق قۇندىلىقتارى تۋرالى سىر شەرتەتىن «جەتى قازىنا» گولوگرافيالىق كورمەسىن تاماشالادى.
سونىمەن قاتار قولجازبالار جانە سيرەك كىتاپتار ۇلتتىق ورتالىعىنىڭ قۇندى مۇرالارى,
وتاندىق باسپالار شىعارعان قازاق تىلىندەگى الەم جانە ءتول ادەبيەتىمىزدىڭ كلاسسيكالىق تۋىندىلارى مەن قازىرگى شىعارمالار قويىلعان تاقىرىپتىق كىتاپ ەكسپوزيتسياسىمەن تانىستى.
ينتەراكتيۆتى سپورت ويىندارى الاڭىندا پارلامەنت سپيكەرلەرى اسىق اتۋ, ساداق تارتۋ, گىر كوتەرۋ, ارقان تارتۋ, لاڭگى جانە قازاقشا كۇرەس سىندى ۇلتتىق سپورت تۇرلەرىنەن جارىستارعا قاتىسىپ جۇرگەن سپورتشىلارمەن كەزدەستى. بۇل جەردە ولاردىڭ نازارىنا جي-فۋتبول, ۆيرتۋالدى «Air Sadaq» جانە تسيفرلىق فورماتتاعى «اسىق اتۋ» سىندى جاساندى ينتەللەكت ەنگىزىلگەن سپورتتىق ويىندار كورسەتىلدى.
ەتنواۋىل اۋماعىندا كۇنى بويى ەلوردا قوناقتارى مەن تۇرعىندارىنا ارنالعان ءتۇرلى ينتەراكتيۆتى ءىس-شارالار, مەرەكەلىك كونتسەرتتەر جوسپارلانعان. سونداي-اق جەتەكشى وتاندىق وندىرۋشىلەردىڭ ازىق-ت ۇلىك جارمەڭكەسى, كىتاپ كورمەسى, ۇلتتىق سپورت تۇرلەرىنەن جارىستار وتەدى. مۇندا وتاندىق ديزاينەرلەردىڭ نەوەتنيكالىق ستيلدەگى Fashion-ايماعى, انيماتورلارى بار بالالاردىڭ ويىن الاڭدارى دا قاراستىرىلعان.
مەرەكەلىك ەتنواۋىل 23 ناۋرىزعا دەيىن اشىق.
