فوتو: اقوردا
2026 جىلعى 21 ناۋرىزدا تۇركىستان وبلىسىنىڭ جۇرتشىلىعىنا ءسوز سويلەگەن مەملەكەت باسشىسى قاسىم-جومارت توقاەۆ جاقىن ارادا حودجا احمەت ياساۋي وردەنىن مەملەكەتتىك ناگرادالار تىزىمىنە ەنگىزۋ تۋرالى جارلىققا قول قوياتىندارىن مالىمدەدى.
«ءبىز, ەلىمىزدە تۇرىپ جاتقان ءبىرتۇتاس قازاق حالقى, جاڭا اتا زاڭدى باعدار ەتىپ ۇستاپ, جۇدىرىقتاي جۇمىلىپ, مەملەكەتتىلىگىمىزدى ودان ءارى نىعايتا بەرۋىمىز كەرەك. وسى ءساتتى پايدالانىپ, تاعى ءبىر ماڭىزدى ماسەلەنى كوتەرەيىن دەپ وتىرمىن. مەن ۇلتتىق قۇرىلتايدىڭ وتىرىسىنىڭ بىرىندە ايگىلى قوجا احمەت ياساۋي تۋرالى ايتتىم.
بۇل – بۇكىل جەر جۇزىندەگى ادامزاتقا ورتاق عۇلاما, ونى ءبارىمىز ەڭ الدىمەن قازاق حالقىنىڭ ماقتانىشى رەتىندە قابىلداۋىمىز كەرەك. قوجا احمەت ءياساۋيدى الەمنىڭ ءاربىر تۇكپىرىندە, اسىرەسە, ءىرى مەملەكەتتەردە كەڭ اۋقىمدا دارىپتەۋىمىز قاجەت, بىراق ەڭ بىرىنشىدەن قازاقستاننىڭ جۇرتشىلىعىنا تانىمال ەتۋىمىز كەرەك», دەدى پرەزيدەنت.
پرەزيدەنت: حالقىمىزدىڭ تاريحي تاعدىرى – ءوزىمىزدىڭ قولىمىزدا
سونىمەن قاتار مەملەكەت باسشىسى وسى تاريحي تۇلعاعا جوعارى ساپالى تۋىندىلاردى جانە فيلمدەردى ارناۋىمىز كەرەك ەكەنىن ايتتى. ەلىمىزدىڭ ءاربىر وبلىسىندا قوجا احمەت ءياساۋيدىڭ بىرەگەي زياتكەرلىك مۇراسىنا ارنالعان وقۋلاردى ۇيىمداستىرۋ قاجەت.
«مەن جاقىن ارادا مەملەكەتتىك ناگرادالار قاتارىنا قوجا احمەت ياساۋي وردەنىن ەنگىزۋ جونىندە جارلىققا قول قويامىن. بۇل جوعارى ماراپات بەلگىلى وتاندىق جانە شەتەلدىك عالىمدارعا, مەملەكەت جانە قوعام قايراتكەرلەرىنە تاپسىرىلادى. بۇل وردەننىڭ مارتەبەسى جوعارى بولۋعا ءتيىس», دەدى پرەزيدەنت.
ايتا كەتەيىك, بۇگىن مەملەكەت باسشىسى قاسىم-جومارت توقاەۆ تۇركىستان وبلىسىنا جۇمىس ساپارىمەن بارىپ, قوجا احمەت ياساۋي كەسەنەسىنە زيارات ەتتى.
