مەرەكەلىك شارا اياسىندا سالانىڭ دامۋىنا ۇلەس قوسىپ جۇرگەن ۆەدومستۆو ماماندارى نازاردان تىس قالمادى. اتاپ ايتقاندا, مينيسترلىكتىڭ بەس قىزمەتكەرىنە ء«بىلىم بەرۋ ءىسىنىڭ قۇرمەتتى قىزمەتكەرى» توسبەلگىسى تابىس ەتىلدى. جۇلدىز سۇلەيمەنوۆا ءوز سوزىندە ەلىمىزدەگى وڭ وزگەرىستەر مەن مەملەكەت باسشىسىنىڭ باستاماسىمەن جۇزەگە اسىپ جاتقان ءبىلىم سالاسىنداعى ىرگەلى رەفورمالارعا توقتالىپ, ۇجىمدى ناۋرىز مەرەكەسىمەن قۇتتىقتادى.
«ناۋرىز - كۇن مەن ءتۇن تەڭەلىپ, تابيعات تۇلەيتىن, شىعىس حالىقتارىنىڭ جاڭارۋ مەرەكەسى. ەلىمىزدە كوكتەم مەرەكەسى قارساڭىندا كونستيتۋتسيامىز جاڭارىپ, بۇل تاريحي قادام ءاز ناۋرىزعا ۇلاسىپ جاتىر. وسىدان جەتى جىل بۇرىن مەملەكەت باسشىسى قاسىم-جومارت توقاەۆتىڭ باستاماسىمەن قولعا الىنعان ىرگەلى رەفورمالاردىڭ يگىلىگىن بۇگىندە ۇستازدار قاۋىمى مەن وسى سالانىڭ جۇمىسىن ۇيلەستىرىپ جۇرگەن ءبىلىم سالاسىنىڭ ماماندارى انىق كورىپ, قۋانۋدامىز. سىزدەردىڭ ەڭبەكتەرىڭىز ۇرپاق تاربيەسىنە تىكەلەي قاتىستى ءارى ەل بولاشاعىن ايقىندايدى. وسىناۋ كوكتەم مەرەكەسىندە بارشاڭىزعا العىس ايتا وتىرىپ, ەڭبەكتەرىڭىزگە جەمىس تىلەيمىن», دەدى سالا ءمينيسترى.
جيىن سوڭىندا مينيسترلىك قىزمەتكەرلەرى وزدەرى دايىنداعان مەرەكەلىك باعدارلامانى ۇسىنىپ, ونەرلەرىن ورتاعا سالدى.
