پويىزداردا جوعارى جىلدامدىقتى ينتەرنەت ىسكە قوسىلدى

10 رەت

كورسەتىلدى

2 مين

وقۋ ءۇشىن

قازىرگى تاڭدا قازاقستاندا جولاۋشىلار پويىزدارىنا جوعارى جىلدامدىقتى ينتەرنەتتى ەنگىزۋ جۇمىستارى جالعاسىپ وتىر. بۇل جوبا سپۋتنيكتىك تەحنولوگيالاردى قولدانۋ ارقىلى جۇزەگە اسىرىلىپ جاتىر. باستاما ەلىمىزدەگى «تسيفرلاندىرۋ جانە جاساندى ينتەللەكت جىلى» مەن «Digital ناۋرىز» ءىس-شارالارىنىڭ اياسىندا دامىپ كەلەدى, دەپ حابارلايدى Egemen.kz.

شىڭعىس مۇقاەۆ

پويىزداردا جوعارى جىلدامدىقتى ينتەرنەت ىسكە قوسىلدى

فوتو: جاساندى ينتەللەكت جانە تسيفرلىق دامۋ مينيسترلىگى

بۇل قىزمەت العاش رەت 2025 جىلدىڭ قاڭتارىندا استانا – الماتى باعىتىندا قاناتقاقتى جوبا رەتىندە ىسكە قوسىلىپ, جولاۋشىلار تاراپىنان ۇلكەن سۇرانىسقا يە بولدى. كەيىننەن سەرۆيستىڭ اۋقىمى كەڭەيتىلىپ, استانا - وسكەمەن باعىتى دا قامتىلدى. قازىرگى ۋاقىتتا سپۋتنيكتىك ينتەرنەت اتالعان ەكى نەگىزگى باعىتتا قاتىنايتىن Talgo پوەزدارىندا قولجەتىمدى. تەحنولوگيالىق تۇرعىدان بۇل جۇيە «Jusan Mobile» وپەراتورىنىڭ قاتىسۋىمەن جانە «OneWeb» تومەن وربيتالى سپۋتنيكتىك جۇيەلەرىنىڭ كومەگىمەن جۇمىس ىستەيدى.

دەپۋتاتتار تالدىقورعان - تەكەلى اراسىندا جولاۋشىلار پويىزىن ىسكە قوسۋدى ۇسىندى

جاساندى ينتەللەكت جانە تسيفرلىق دامۋ مينيسترلىگىنىڭ مالىمەتىنشە, سپۋتنيكتىك بايلانىستىڭ باستى ەرەكشەلىگى – ونىڭ سيگنال ساپاسى تەمىرجول بويىنداعى جەرۇستى مۇنارالارىنا تاۋەلدى ەمەس. تومەن وربيتالى سپۋتنيكتەر پويىز جوعارى جىلدامدىقپەن قوزعالعان كەزدىڭ وزىندە سيگنالدىڭ كىدىرىسسىز جانە تۇراقتى بولۋىن قامتاماسىز ەتەدى. ناتيجەسىندە جولاۋشىلار جول بويى 100 مبيت/س دەيىنگى جىلدامدىقتاعى ينتەرنەتتى پايدالانا الادى. بۇل جىلدامدىق مەسسەندجەرلەردى قولدانۋعا, ۆيدەولار كورۋگە جانە باسقا دا تسيفرلىق قىزمەتتەردى ەش كەدەرگىسىز تۇتىنۋعا مۇمكىندىك بەرەدى.

جوبانى ىسكە اسىرۋ حالىقارالىق تەحنولوگيالىق كومپانيالار مەن وتاندىق بايلانىس وپەراتورلارىنىڭ سەرىكتەستىگى ارقاسىندا مۇمكىن بولدى. پويىزدارعا ورناتىلعان ارنايى جابدىقتار قوزعالىس جاعدايىندا جۇمىس ىستەۋگە تولىق بەيىمدەلگەن جانە ۆاگوندارداعى قولدانىستاعى مۋلتيمەديالىق جۇيەلەرمەن ينتەگراتسيالانعان.