جاڭا كونستيتۋتسيانىڭ قابىلدانۋىنا وراي مەملەكەتتىك كەڭەسشى ەرلان قارين پرەزيدەنت اتىنان كونستيتۋتسيالىق كوميسسيانىڭ بىرقاتار مۇشەسىنە, باق جانە قوعام وكىلدەرىنە مەملەكەتتىك ناگرادالار تاپسىردى.
اتاپ ايتقاندا, كونستيتۋتسيالىق سوت سۋدياسى قايرات جاقىپباەۆ ءىىى دارەجەلى «بارىس» وردەنىمەن ماراپاتتالدى.
كونستيتۋتسيالىق سوت توراعاسىنىڭ ورىنباسارى باقىت نۇرمۇحانوۆ, پرەزيدەنت جانىنداعى ورتالىق كوممۋنيكاتسيالار قىزمەتىنىڭ ديرەكتورى اسقار وماروۆ, پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى جاندوس شايماردانوۆ, م.س.نارىكباەۆ اتىنداعى قازگزۋ باسقارما توراعاسى تالعات نارىكباەۆ, «ۇلتتىق رۋح» قوعامدىق بىرلەستىگىنىڭ جەتەكشىسى ايات سۇگىرباي «پاراسات» وردەنىنە يە بولدى.
«Jibek Joly» تەلەارناسىنىڭ ديرەكتورى ەركەجان كۇنتۋعان «قۇرمەت» وردەنىمەن ناگرادتالدى.
م.س.نارىكباەۆ اتىنداعى قازگزۋ ۋنيۆەرسيتەتىنىڭ پروفەسسورى الماس جۇماعالي, Uni-Q Group مەدياحولدينگىنىڭ باس ديرەكتورى مۇحامەدقالي تاۋان «ەرەن ەڭبەگى ءۇشىن» مەدالىمەن ماراپاتتالدى.
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ ءبولىم باسشىسى جانار سانحاەۆاعا, پرەزيدەنتتىك مادەنيەت ورتالىعىنىڭ مامانى داستان قونىسباەۆقا پرەزيدەنت العىسى جاريالاندى.
ەرلان قارين ماراپات يەلەرىن قۇتتىقتاپ, رەفەرەندۋمدا ازاماتتارىمىز قابىلداعان جاڭا كونستيتۋتسيا ءبىزدىڭ قوعامنىڭ پرەزيدەنتتىك رەفورمالار توڭىرەگىنە توپتاسىپ, تۇتاسا تۇسەتىنىن تاعى ءبىر مارتە راستاعانىن اتاپ ءوتتى.
