ءمينيستردىڭ ايتۋىنشا, جاڭارتىلعان ستاندارتتاردا ىرگەلى عىلىمداردى تەرەڭدەتىپ وقىتۋعا ەرەكشە ءمان بەرىلەدى. سونىمەن قاتار IT سالاسىن دامىتۋ مەن تسيفرلىق قۇزىرەتتەردى قالىپتاستىرۋ نەگىزگى باسىمدىقتاردىڭ ءبىرى بولماق.
وقۋشىلار كوكتەمگى كانيكۋلدا قانشا كۇن دەمالادى؟
«نەگىزگى نازار باستاۋىش ءبىلىم بەرۋ دەڭگەيىن نىعايتۋعا اۋدارىلادى. ويتكەنى ءدال وسى كەزەڭدە بالانىڭ ءارى قارايعى ءبىلىم جولىن ايقىندايتىن بازالىق ءبىلىم, داعدىلار مەن قۇندىلىقتار قالىپتاسادى. ءبىز تەك وقۋ باعدارلامالارىنىڭ مازمۇنىن عانا ەمەس, وقۋلىقتاردىڭ ساپاسىن دا قايتا قارايمىز. سونىمەن قاتار جىل سايىن ءبىرىنشى سىنىپ وقۋشىلارى نەگىزگى پاندەر بويىنشا جۇمىس داپتەرلەرىمەن قامتاماسىز ەتىلەدى», دەدى جۇلدىز سۇلەيمەنوۆا.
جاڭا وزگەرىستەر اياسىندا وقۋ باعدارلامالارى دا جاڭارتىلىپ, پاندەردىڭ مازمۇنى قايتا قارالادى. ماسەلەن, 8-9 سىنىپتار ءۇشىن «قازاقستان گەوگرافياسى» ءپانىن اپتاسىنا ەكى ساعات كولەمىندە قايتا ەنگىزۋ ماسەلەسى قاراستىرىلىپ جاتىر.
سونداي-اق 2026 جىلى 3, 4, 7, 8 جانە 9-سىنىپتارعا ارنالعان مەكتەپ وقۋلىقتارى جاڭارتىلماق.
جالپى, ءبىلىم بەرۋ جۇيەسىندەگى بۇل وزگەرىستەر وقۋشىلاردىڭ ساپالى ءبىلىم الۋىنا جاعداي جاساپ, زامان تالابىنا ساي بىلىكتى كادر دايارلاۋدى كوزدەيدى.
