فوتو: egemen.kz/ قىرمىزى جۇماعاليقىزى
جاڭا نورمالارعا سايكەس, تەگىن مەديتسينالىق كومەكتى قارجىلاندىرۋعا بيۋدجەتتەن بولەك حالىقارالىق ۇيىمدار مەن ۇلتتىق كومپانيالاردىڭ قاراجاتى تارتىلادى. مىندەتتى الەۋمەتتىك مەديتسينالىق ساقتاندىرۋ ء(مامس) پاكەتى جوعارى تەحنولوگيالىق قىزمەتتەرگە قول جەتكىزۋدىڭ نەگىزگى قۇرالى بولادى. بۇل رەتتە ءاربىر ازاماتتىڭ دەنساۋلىق ساقتاۋ مەن بيولوگيالىق قاۋىپسىزدىككە كەپىلدىك بەرىلگەن قۇقىعى وزگەرىسسىز قالادى.
«مەملەكەت كەپىلدىك بەرگەن مەديتسينالىق كومەكتىڭ كولەمى ساقتالادى. ەڭ باستىسى, ازاماتتاردىڭ قۇقىعى ساقتالىپ قانا قويماي, قوسىمشا ينستيتۋتسيونالدىق تۇرعىدان نىعايتىلادى. مىندەتتى الەۋمەتتىك مەديتسينالىق ساقتاندىرۋ جۇيەسىنىڭ ءرولى ارتا تۇسپەك. كەزەڭ-كەزەڭىمەن ەنگىزىلەتىن بىرىڭعاي بازالىق مەديتسينالىق پاكەت ارقىلى ازاماتتار جوسپارلى ءارى كۇردەلى مەديتسينالىق قىزمەتتەردىڭ باسىم بولىگىنە وسى ساقتاندىرۋ ەسەبىنەن قول جەتكىزە الادى», دەدى ايدا بالاەۆا.
