فوتو: ۇكىمەت
«قۇقىقتىق مەملەكەت قاعيداتتارىن نىعايتۋ, زاڭ كومەگىن الۋ قۇقىعىنا جانە دەربەس دەرەكتەردىڭ قورعالۋىنا كەپىلدىك بەرۋ نەگىزگى زاڭ دەڭگەيىندە بەكىتىلىپ وتىر. پرەزيدەنت اتاپ وتكەندەي, جاڭا كونستيتۋتسيا – ەلدىگىمىزدىڭ تىرەگى, ەگەمەندىگىمىز بەن تاۋەلسىزدىگىمىزدىڭ تۇعىرى بولادى. قازاقستاندىقتار مەملەكەت باسشىسىنىڭ بارلىق باستامالارىن قولداپ, ءوز داۋىستارىمەن ناعىز وتانشىلدىقتىڭ ۇلگىسىن پاش ەتتى. بۇگىندە جاھان جۇرتىنىڭ قاسىم-جومارت كەمەل ۇلى توقاەۆتىڭ كوشباسشىلىعىنا جانە قابىلدانعان كونستيتۋتسيامىزدىڭ پروگرەسسيۆتى سيپاتىنا كۋا بولعانىن كورىپ وتىرمىز. بۇل قازاقستاننىڭ جوعارى بەدەلى مەن جۇرگىزىلىپ جاتقان رەفورمالاردىڭ تيىمدىلىگىن ايقىن بىلدىرەدى», دەدى پرەمەر-مينيستر.
سونىمەن قاتار ۇكىمەت پارلامەنتپەن بىرلەسىپ, تەز ارادا بىرقاتار زاڭدار مەن زاڭعا تاۋەلدى اكتىلەردى جاڭا كونستيتۋتسياعا سايكەس كەلتىرۋگە ءتيىس.
ء«وز كەزەگىندە, ءبىز پرەزيدەنتتىڭ كومانداسى رەتىندە, الدىمىزدا تۇرعان ماقسات-مىندەتتەرگە قول جەتكىزىپ, رەفورمالاردىڭ ساپاسى مەن وزىق قارقىنىن قامتاماسىز ەتۋىمىز كەرەك. مەملەكەت باسشىسىنىڭ تاپسىرماسىن ورىنداۋ اياسىندا ۇكىمەت پارلامەنتپەن بىرلەسىپ, تەز ارادا بىرقاتار زاڭدار مەن زاڭعا تاۋەلدى اكتىلەردى جاڭا كونستيتۋتسياعا سايكەس كەلتىرۋگە ءتيىس. اتاپ ايتقاندا, 5 جاڭا جانە قولدانىستاعى 8 كونستيتۋتسيالىق زاڭعا, سونداي-اق 60-تان استام زاڭعا, ونىڭ ىشىندە نەگىزگى كودەكستەرگە تۇزەتۋلەر ەنگىزۋ كەرەك», دەدى ولجاس بەكتەنوۆ.
سونىمەن قاتار پرەمەر-مينيستر اتا زاڭدى جاپپاي باسىپ شىعارۋدى, ونى قولجەتىمدى ەلەكتروندىق پلاتفورمالاردا ورنالاستىرۋدى, ءبىلىم بەرۋ سالاسى ءۇشىن ادىستەمەلىك نۇسقاۋلار مەن وقۋ-ادىستەمەلىك قۇرالداردى ازىرلەۋدى تالاپ ەتەتىن كونستيتۋتسيانى ىلگەرىلەتۋ بويىنشا ءىس-شارالار جوسپارىن ازىرلەپ, بەكىتۋ قاجەتتىگىنە نازار اۋداردى. سونداي-اق ەلىمىزدىڭ جاڭا كونستيتۋتسياسى تۋرالى اقپاراتتىق-ءتۇسىندىرۋ جۇمىستارىن كۇشەيتۋ قاجەت.
