فوتو: اۋىل شارۋاشىلىعى مينيسترلىگى
قازاقستانعا كارانتيندىك ونىمدەردى زاڭسىز اكەلۋدىڭ 145 دەرەگى انىقتالدى.
اشم-ءنىڭ اگرارلىق-ونەركاسىپتىك كەشەنىندەگى (اوك) مەملەكەتتىك ينسپەكتورلار جۇرگىزگەن باقىلاۋ بارىسىندا فيتوسانيتاريالىق تالاپتارعا ساي كەلمەيتىن ونىمدەردى ەل اۋماعىنا زاڭسىز ەنگىزۋ ارەكەتتەرىنىڭ جولى كەسىلگەن. تەكسەرۋلەر ناتيجەسىندە فيتوسانيتاريالىق سەرتيفيكاتتاردىڭ بولماۋى, كارانتيندىك وبەكتىلەردىڭ انىقتالۋى جانە بەلگىلەنگەن نورمالاردىڭ ساقتالماۋى سياقتى زاڭبۇزۋشىلىقتار انىقتالدى.
مامانداردىڭ ايتۋىنشا, كارانتيندىك فيتوسانيتاريالىق باقىلاۋ جۇيەلى تۇردە كۇشەيتىلىپ وتىر. بۇل شارالار ەل اۋماعىنا قاۋىپتى زيانكەستەر مەن اۋرۋلاردىڭ ەنۋىنە جول بەرمەۋگە باعىتتالعان.
تەكسەرۋ قورىتىندىسى بويىنشا زاڭ تالاپتارىن بۇزعان تۇلعالار اكىمشىلىك جاۋاپكەرشىلىككە تارتىلدى. مينيسترلىك مۇنداي باقىلاۋ جۇمىستارى الداعى ۋاقىتتا دا جالعاساتىنىن اتاپ ءوتتى.
جالپى, جۇرگىزىلىپ جاتقان شارالار قازاقستاننىڭ فيتوسانيتاريالىق قاۋىپسىزدىگىن قامتاماسىز ەتۋگە, كارانتيندىك وبەكتىلەردىڭ تارالۋىنىڭ الدىن الۋعا جانە اۋىل شارۋاشىلىعى ءوندىرىسىن قورعاۋعا مۇمكىندىك بەرەدى.
اۋىل شارۋاشىلىعى ءونىمىن قايتا وڭدەۋ ۇلەسى جىل سوڭىنا دەيىن 70%-عا جەتەدى
