Qazaq Air اۆياكومپانياسى بيلەتىنىڭ قۇنى بەلگىلى بولدى

الماتى. 14 تامىز. Qazaq Air اۆياكومپانياسىنىڭ جولاۋشىلار ۇشاعى ءبىرىنشى ساپارىن 27 تامىز كۇنى الماتىدان استاناعا ۇشۋدان باستايدى.بۇل تۋرالى tengrinews.kz حابارلادى. ەكى ارالىقتاعى بيلەتتىڭ قۇنى ءبىر باعىتقا 10 495 تەڭگە. جولاۋشىلار تاسىمالدايتىن اۋە لاينەرى ەكى قالانىڭ اراسىندا كۇن سايىن ۇشادى. سونداي-اق – اپتاسىنا ءۇش رەت (دۇيسەنبى, سارسەنبى, جۇما) الماتى – پاۆلودار (10916 تەڭگە), اپتاسىنا 4 رەت (دۇيسەنبى, سەيسەنبى, سەنبى, جەكسەنبى)الماتى – شىمكەنت (10495 تەڭگە) رەيسى بويىنشا ۇشادى. شىمكەنتتەن پاۆلودارعا اپتاسىنا ەكى كۇن (سەيسەنبى, جەكسەنبى) –بيلەت باعاسى ءبىر باعىتقا 141857 تەڭگە,  شىمكەنتتەن قىزىلورداعا دا اپتاسىنا ەكى رەت –دۇيسەنبى, سەيسەنبى كۇندەرى رەيسكە شىعادى. بۇل باعىتتاعى بيلەت باعاسى ءبىر باعىتقا 8556 تەڭگە تۇرادى. بيلەتتەردى بۇگىننەن باستاپ – flyqazaq.com سايتى ارقىلى نەمەسە اۆياكاسسالاردان ساتىپ الۋعا بولادى. جوسپاردا – الماتى – قوستاناي, شىمكەنت – اقتوبە, اقتوبە – قوستاناي, اقتوبە – اتىراۋ باعىتتارىنا رەيس اشۋ كوزدەلىپ وتىر. تالعات ءسۇيىنباي. دەرەك, سۋرەت: tengrinews.kz.