فوتو: gov.kz
54 جاستاعى اكەسى 26 جاستاعى ۇلىن زاڭسىز بيزنەسكە تارتىپ, سينتەتيكالىق ەسىرتكى ءوندىرۋدى ۇيرەتكەن.
ارنايى وپەراتسيا بارىسىندا انىقتالعان مەكەنجايدان 200 كەلى مەفەدرون, 2 توننادان استام پرەكۋرسور, حيميالىق رەاكتور مەن ءتۇرلى جابدىقتار تاركىلەنگەن.
اتىراۋدا ەسىرتكى تۇتىنعان ەر ادام 30 تاۋلىككە قاماۋعا الىندى
«تاركىلەنگەن ەسىرتكى كولەمى – 600 مىڭ ءبىر رەتتىك دوزاعا تەڭ. قارا نارىقتاعى قۇنى 5 ملرد تەڭگە نەمەسە 10 ملن دوللاردان اسادى. بۇل ەسىرتكى زاڭسىز اينالىمعا تۇسسە, مىڭداعان ادامنىڭ تاعدىرىنا بالتا شابۋشى ەدى», دەدى ءىىم ەسىرتكى قىلمىسىنا قارسى ءىس-قيمىل كوميتەتىنىڭ توراعاسى دانيار مەيىرحان.
وسىلايشا, پوليتسيا پرەكۋرسوردى باسقا وڭىرلەرگە جىبەرمەك بولعان اقمولا وبلىسى تۇرعىندارىنىڭ زاڭسىز ارەكەتىنە توسقاۋىل قويدى.
