فوتو: تۋريزم جانە سپورت ءمينيسترى
چەمپيوندى جانكۇيەرلەر, تۋعان-تۋىستارى جانە سپورت سالاسىنىڭ وكىلدەرى كۇتىپ الدى. ەربول حاميتوۆ پەن ۇلتتىق قۇرامانىڭ سپورتشىلارىن تۋريزم جانە سپورت ءمينيسترى ەربول مىرزابوسىنوۆ جانە ۇلتتىق پاراليمپيادا كوميتەتىنىڭ وكىلى باحىت ساپاروۆ قۇتتىقتادى.
«بۇگىن – ەلىمىز ءۇشىن قۋانىشتى كۇن. تاريحىمىزدا العاش رەت پاراليمپيادا ويىندارىندا پارا بياتلوننان التىن مەدال جەڭىپ الىپ, وعان قوسا ءبىر پاراليمپيادادا ەكى بىردەي مەدال ەنشىلەدىك. بۇل ناتيجە – ەرەن ەڭبەك پەن تىڭعىلىقتى دايىندىقتىڭ, مىقتى رۋحتىڭ كورىنىسى. وسى ويىندارعا ۇلتتىق قۇراما 7 سپورتشىمەن 2 سپورت تۇرىنەن قاتىسىپ, جالپىكوماندالىق ەسەپتە 18-ورىنعا تۇراقتادى. سپورتشىلاردىڭ ارقايسىسى ەل نامىسىن ابىرويمەن قورعادى. ءبىز سىزدەرمەن ماقتانامىز», دەدى ەربول مىرزابوسىنوۆ.
ءىس-شارا بارىسىندا دەمەۋشىلىك تانىتقان قۇرىلىس كومپانياسى ەربول حاميتوۆقا ەكى بولمەلى پاتەردىڭ كىلتىن تابىستادى.
ەربول حاميتوۆ – پاراليمپيادا جۇلدەگەرى!
ءوز كەزەگىندە سپورتشى دا جانكۇيەرلەرىنە العىسىن ءبىلدىرىپ, ارمان-ماقساتقا ادال بولۋ كەرەك ەكەنىن اتاپ ءوتتى. ول بۇل جەتىستىك الداعى ۋاقىتتا بۇدان دا ۇلكەن ناتيجەلەرگە جەتۋگە موتيۆاتسيا بەرەتىنىن ايتتى.
ايتا كەتەيىك, 6-15 ناۋرىز ارالىعىندا يتاليانىڭ قالالارىندا قىسقى پاراليمپيادا ويىندارى ءوتتى. ءدۇبىرلى دوداعا الەمنىڭ 55 ەلىنەن 600-دەن استام سپورتشى قاتىسىپ, 79 مەدال جيىنتىعى ساراپقا سالىندى.
