ميانما رەسپۋبليكاسى وداقتىق سايلاۋ كوميسسياسىنىڭ كوميسسارى تان حتۋت تەين قازاقستانداعى رەفەرەندۋم تاجىريبەسى بىرقاتار مەملەكەت ءۇشىن ۇلگى بولا الاتىنىن اتاپ ءوتتى. ونىڭ ايتۋىنشا, حالىقارالىق باقىلاۋشىلار ميسسياسى قوعامدىق رەاكتسيانى, سونداي-اق ازاماتتاردىڭ كونستيتۋتسيالىق وزگەرىستەردى تالقىلاۋعا قانشالىقتى بەلسەندى قاتىسقانىن مۇقيات باقىلاعان.
«مەن وسى پروتسەسپەن بايلانىستى بىرنەشە اسپەكتىنى تالقىلاعىم كەلەدى. ءبىز بايقاعانىمىز, قوعامدىق تالقىلاۋ ازاماتتار تاراپىنان بەلسەندى قىزىعۋشىلىقپەن ءوتتى. حالىق وسى وزگەرىستەرگە جانە جاڭا كونستيتۋتسيانىڭ مەملەكەت مۇددەسىنە قالاي قىزمەت ەتەتىنىنە ۇلكەن قىزىعۋشىلىق تانىتتى», دەدى تان حتۋت تەين.
ساراپشىنىڭ پىكىرىنشە, مەملەكەتتىڭ بولاشاعىن كونستيتۋتسيالىق وزگەرىستەر ارقىلى كەڭىنەن تالقىلاۋ ەل دامۋىنىڭ ماڭىزدى تەتىگى سانالادى. مۇنداي اشىق قوعامدىق ديالوگ ازاماتتاردىڭ ساياسي پروتسەستەرگە قاتىسۋىن ارتتىرىپ, رەفورمالاردىڭ مازمۇنىن تەرەڭ تۇسىنۋگە مۇمكىندىك بەرەدى.
«مۇنداي پروتسەستەر ەلدىڭ جاقسى بولاشاعىنا جول اشاتىنىنا ءۇمىت بار», دەدى ميانما سايلاۋ كوميسسياسىنىڭ وكىلى.
تۇركيا جوعارى سايلاۋ كەڭەسىنىڭ توراعاسى قازاقستانداعى رەفەرەندۋمعا وڭ باعا بەردى
سونىمەن قاتار ول حالىقارالىق باقىلاۋشىلار ميسسياسىنىڭ جۇمىسىنا قاتىسۋ ءوزارا تاجىريبە الماسۋعا جول اشقانىن ايتتى. ونىڭ سوزىنشە, قازاقستانداعى رەفەرەندۋمدى باقىلاۋ بارىسىندا جيناقتالعان تاجىريبە الداعى ۋاقىتتا ميانمادا دا پايدالانىلۋى مۇمكىن.
ء«بىز كوپ ساباق الدىق جانە بۇل تاجىريبەنى ءوز ەلىمىزدە پايدالانۋدى جوسپارلاپ وتىرمىز», دەدى تان حتۋت تەين.
ميانما وكىلى قازاقستان تاراپىنا حالىقارالىق باقىلاۋشىلار ميسسياسىنا قاتىسۋعا مۇمكىندىك بەرگەنى ءۇشىن العىس ءبىلدىرىپ, سايلاۋ جانە رەفەرەندۋم پروتسەستەرىن ۇيىمداستىرۋ تاجىريبەسىن ءبولىسۋدىڭ ەلدەر اراسىنداعى ىنتىماقتاستىقتى نىعايتاتىنىن اتاپ ءوتتى.
رەسەي وسك وكىلى: قازاقستانداعى رەفەرەندۋم زاڭ تالاپتارىنا ساي ءوتتى
