ونىڭ ايتۋىنشا, ميسسيا رەفەرەندۋم ۋچاسكەلەرىنىڭ جۇمىسىندا اكىمشىلىك نەمەسە قۇقىق قورعاۋ ورگاندارى تاراپىنان ارالاسۋ تىركەلمەگەنىن اتاپ ءوتتى. حالىق ەرىكتى تۇردە داۋىس بەرۋگە كەلگەن.
«رەفەرەندۋمدا ماڭىزدى زاڭبۇزۋشىلىقتار نەمەسە سايكەسسىزدىكتەر انىقتالمادى. سايلاۋ ۋچاسكەلەرىندە حالىقارالىق جانە جەرگىلىكتى باقىلاۋشىلار ءۇشىن بارلىق جاعداي جاسالعان, ءبارى قولجەتىمدى بولدى. ولار ءوز جۇمىستارىن ەش قيىندىقسىز ورىندادى. قاجەتتى اقپارات پەن تەحنيكالىق قۇرالدار جەتكىلىكتى. سونداي-اق ۋچاسكەلەردە رۇقسات ەتىلمەگەن نەمەسە زاڭسىز ماتەريالدار بولمادى. مۇگەدەك ادامدار دا ءوز كونستيتۋتسيالىق قۇقىقتارىن جۇزەگە اسىرا الدى. ميسسيا اقپاراتتىڭ دۇرىس تارالۋى رەفەرەندۋمنىڭ ءساتتى وتۋىنە ىقپال ەتكەن دەگەن قورىتىندىعا كەلدى. تۇركى مەملەكەتتەرى ۇيىمىنىڭ ميسسياسى قازاقستان رەسپۋبليكاسىنداعى رەفەرەندۋم اشىق جانە ءمولدىر جاعدايدا وتكەنىنە كوز جەتكىزدى. ءبىز ءبارى حالىقارالىق ستاندارتتار مەن ەلدىڭ ۇلتتىق زاڭناماسىنا سايكەس وتكەنىن مالىمدەيمىز», دەدى سپيكەر.
يمران ساديحوۆ: باس حاتشىلىق رەفەرەندۋمنىڭ بەيبىت ءارى تارتىپپەن وتكەنىن جوعارى باعالايدى
