ولجاس بەكتەنوۆ ەلىمىز پرەزيدەنت قاسىم-جومارت كەمەل ۇلى توقاەۆتىڭ باسشىلىعىمەن سەنىمدى تۇردە دامۋدىڭ جاڭا كەزەڭىنە قادام باسقانىنا ايرىقشا توقتالدى.
ء«بىز سىزدەرمەن بىرگە اۋقىمى مەن ءمان-ماڭىزى تۇرعىسىنان ەل تاعدىرىنا قاتىستى تاريحي وقيعانىڭ تىكەلەي كۋاگەرى بولدىق. پرەزيدەنتىمىز اتاپ وتكەندەي, قازاقستاندىقتار جاڭارۋ مەن جاڭعىرۋ ءۇشىن داۋىس بەرىپ, مەملەكەتتىگىمىزدى نىعايتۋعا ءوز ۇلەستەرىن قوستى. ادىلەتتى ءارى وركەندەگەن قازاقستاننىڭ جاڭا تاريحى ۇلتتىق داستۇرلەرىمىز بەن مادەنيەتىمىزدى ۇلىقتاپ, تەك دەموكراتيالىق قۇندىلىقتار نەگىزىندە قالىپتاسىپ جاتىر. بارشا قازاقستاندىقتاردى وتانىمىزدىڭ بىرلىگى مەن تاۋەلسىزدىگىنىڭ جانە ەگەمەندىگىنىڭ سيمۆولى سانالاتىن جاڭا كونستيتۋتسيانىڭ قابىلدانۋىمەن قۇتتىقتايمىن!», دەدى ول.
مەملەكەت باسشىسى: 15 ناۋرىز – كونستيتۋتسيا كۇنى بولىپ بەلگىلەنەدى
ۇكىمەت باسشىسى ەل ازاماتتارىمەن بىرگە جۇرگىزىلىپ جاتقان وزگەرىستەردىڭ ساپاسى مەن دامۋ قارقىنىن قامتاماسىز ەتە وتىرىپ, العا قويىلعان ماقسات-مىندەتتەرگە قول جەتكىزەتىنىنە سەنىم ءبىلدىردى.
بۇل ماسەلە بويىنشا ەشقانداي كۇمانىم جوق: پرەزيدەنت ەكزيت-پولل قورىتىندىسىمەن تانىستى
