سۋرەتتى تۇسىرگەن – ەرلان ومار, «EQ»
وبلىس ورتالىعىنىڭ ىرگەسىندە تۇراتىن ساڭلاقتىڭ اكەسى عالىمكەرەي حاميتوۆ پەن اناسى عاليا الپىسباەۆا ءوز تاڭداۋىن جاسادى.
– ءبىز قالانىڭ ىرگەسىندەگى بەرەكە دەگەن شاعىن اۋداندا تۇرامىز. جاڭادان سالىنعان اۋرۋحاناداعى №673 رەفەرەندۋم ۋچاسكەسىندە داۋىس بەردىك. بالالارىمىزدىڭ, نەمەرەلەرىمىزدىڭ بولاشاعى جارقىن بولسىن دەگەن نيەتتە تاڭداۋىمىزدى جاسادىق. كۇيەۋىم ەكەۋمىز ومىرگە ەكى ۇل, ءبىر قىز اكەلدىك. ورتانشىمىز ەربولدىڭ ارقاسىندا بىردەن تانىمال بولدىق. بۇگىندە حابارلاسۋشىلارعا جاۋاپ قاتىپ ۇلگەرە الماي جاتىرمىز. يتاليادا وتكەن قىسقى پاراليمپيادا ويىندارىندا ۇلىمىز الدىمەن قولا, ودان كەيىن التىن مەدال ولجالاپ, مەرەيىمىزدى اسىردى. بالامىزدىڭ پاراسپورتپەن ەركىن شۇعىلدانىپ, جاھاندىق دودالارعا الاڭسىز ازىرلىك جۇرگىزۋىنە مەملەكەت وراسان جاعداي جاسادى. مۇنىڭ بارلىعى دا بەيبىتشىلىك ورناعان, ىنتىماق, بىرلىگى ۇيىعان ەلدىگىمىزدىڭ ارقاسى دەپ بىلەمىن, – دەيدى ع.الپىسباەۆا.
ەسكە سالا كەتسەك, يتاليانىڭ ميلان – كورتينا-د’امپەتستسو قالالارىندا XIV قىسقى پاراليمپيادا دوداسىندا ەربول عالىمكەرەي ۇلى پاراشاڭعىدان قولا جۇلدە الىپ قۋانتسا, ودان كەيىن پارابياتلوننان ءىز قۋ سايىسىندا الدىنا قارا سالماي, چەمپيون اتاندى.
