ماسەلەن, №100 رەفەرەندۋم ۋچاسكەسىندە العاشقى بولىپ داۋىس بەرگەن ولجاباي دۇزۇلباەۆقا بەلسەندى ازاماتتىق ۇستانىمى ءۇشىن ارنايى سىيلىق تابىستالدى. ال شىمقالاداعى دوستىق ۇيىندە ورنالاسقان №4 رەفەرەندۋم ۋچاسكەسىنە كەلگەن داۋىس بەرۋشىلەرگە قالالىق قازاقستان حالقى اسسامبلەياسىنىڭ مۇشەلەرى شاشۋ شاشىپ, كوتەرىڭكى كوڭىل كۇي سىيلادى.
شىمكەنت قالاسىندا رەفەرەندۋمعا بايلانىستى قوعامدىق كولىكتەر جولاۋشىلاردى تەگىن تاسىمالدادى. بۇل شەشىم قالا تۇرعىندارىنىڭ داۋىس بەرۋ ۋچاسكەلەرىنە ىڭعايلى جەتۋىنە مۇمكىندىك بەرۋ ماقساتىندا قابىلداندى.
شاھارداعى اكىمشىلىك اۋماقتاردا رەفەرەندۋمعا ازىرلىك جوعارى دەڭگەيدە ۇيىمداستىرىلدى. ماسەلەن, قالانىڭ ءال-فارابي اۋدانىنداعى 78 رەفەرەندۋم ۋچاسكەسى ءوز جۇمىسىن تاڭعى ساعات
7.00-دە باستادى. اۋدانداعى جالپى سايلاۋشىلار سانى –
120 202 ادام. بارلىق رەفەرەندۋم ۋچاسكەسى زاڭ تالاپتارىنا سايكەس تولىق جابدىقتالىپ, داۋىس بەرۋ جاشىكتەرى ءوز ۋاقىتىندا اشىلدى.
قالا تۇرعىندارى تاڭەرتەڭنەن باستاپ ءوز ۋچاسكەلەرىنە بارىپ, ازاماتتىق ۇستانىمدارىن ءبىلدىردى. قوعامدىق كولىكتەردە داۋىس بەرۋگە بارا جاتقان جولاۋشىلار رەفەرەندۋمنىڭ ەل بولاشاعى ءۇشىن ماڭىزدىلىعىن اتاپ ءوتىپ, بارشا تۇرعىنداردى بەلسەندى تۇردە قاتىسۋعا شاقىردى.
شىمكەنت
